रसुवा भन्सारमा करोडौँका ईभी बेवारिसे, किन उठाउन मानिरहेका छैनन् आयातकर्ता ?

काठमाडौँ–रसुवाको टिमुरे भन्सारमा विगत एक वर्षदेखि बाढीले क्षतिग्रस्त बनाएका ११ वटा विद्युतीय सवारी साधन (ईभी) अलपत्र परेका छन् ।

२०८२ असार २४ मा ल्हेन्दे खोलामा आएको भीषण बाढीमा पुरिएका ८ करोड ८६ लाख ९० हजार मूल्य बराबरका यी गाडीहरूको भन्सार महसुल नतिरिएपछि बेवारिसे बनेका हुन् ।

क्षतिग्रस्त गाडीहरू बिक्री नहुने अवस्थामा पुगेपछि आयातकर्ताले यसतर्फ चासो देखाएका छैनन् । रसुवा भन्सार कार्यालयका अनुसार अलपत्र परेका सवारीमा ८ करोड ५० लाख रुपैयाँ बराबरका १० वटा एक्सपेङ जी६ र ३७ लाख मूल्य पर्ने अर्को एउटा भ्यान रहेका छन् । यी गाडीलाई सीजी मोटर्सले नेपाल ल्याएको हो ।

आयातकर्ताले यी गाडी छुटाउन बजार मूल्यको करिब ४० प्रतिशत (करिब ३ करोड ३९ लाख रुपैयाँ) भन्सार महसुल बुझाउनुपर्ने हुन्छ । भन्सार कार्यालयका अनुसार बीमा दाबी गर्नका लागि बाढीलगत्तै गाडीहरूलाई जस्ताको तस्तै राखिएको थियो । ्

आयातकर्ताले सरकारलाई प्राकृतिक प्रकोपका कारण क्षति भएको भनी औपचारिक पत्र नलेखेको र लिलामीको अधिकार नदिएकाले भन्सार प्रशासनले पनि व्यवस्थापन गर्न सकेको छैन । नियमअनुसार आयातकर्ताको पत्रपछि मात्रै मेकानिकल इन्जिनियरबाट मूल्यांकन गराई लिलामी प्रक्रिया अघि बढाउन सकिने भन्सार कार्यालयले जनाएको छ ।

उक्त बाढीले टिमुरे क्षेत्रमा कुल ७० करोड ५१ लाख ६९ हजार बराबरको सवारी तथा मालसामानमा क्षति पु¥याएको थियो ।