हन्टरभन्दा सस्तो बाइक ल्याउँदै रोयल इनफिल्ड, माइलेज ५० किमिभन्दा बढी
काठमाडौं–रोयल इनफिल्डले २५० सीसी क्षमताको नयाँ हाइब्रिड मोटरसाइकल...
दि हिमालय मोटरसाइकल एक्सपेरियन्सले हरेक वर्ष आयोजना गर्दै आएको ‘म्याङ्गो राइड’ यस वर्ष असार ५ गतेदेखि ८ गतेसम्म सञ्चालन गर्ने भएको छ । आन्तरिक पर्यटन प्रवर्द्धन गर्ने उद्देश्यसहित आयोजना गरिने यस राइडमा सहभागी राइडरहरूलाई बगैंचामै पुगेर अर्गानिक आँपको स्वाद लिने र नेपाली बारीको आँप प्रबर्द्धन गरिने जनाइएको छ ।
सो राइड काठमाडौं देखि प्रारम्भ भएर कुरिनटार, चितवन, सौराहा, ठोरी, वीरगन्ज, बर्दिबास, लहान, आँप फार्म हुँदै फेरि बर्दिबास, भीमान, हेटौंडा, कुलेखानी हुँदै काठमाडौंमा समापन हुनेछ । सो राइडको मुख्य प्रायोजक रोयल इन्फिल्ड नेपाल रहेको छ भने ट्राभल पार्टनर नेपाल पर्यटन बोर्ड रहेको छ ।
क्लबका अनुसार ‘म्याङ्गो राइड’ ले पर्यटकलाई ग्रामीण भेगसँग जोड्दै स्थानीय उत्पादनको प्रवर्द्धनमा समेत टेवा पुर्याउनेछ । दि हिमालय मोटरसाइकल एक्सपेरियन्सले देशका विभिन्न स्थानमा नयाँ–नयाँ रुटहरूको खोजी गर्दै भ्रमण गर्ने, त्यहाँको वस्तुस्थिति अवलोकन गरी आन्तरिक तथा बाह्य पर्यटकलाई आकर्षित गर्ने कार्य गर्दै आएको जनाएको छ ।

सन् २०१५ मा चार जनाबाट सुरु भएको यस क्लबले कोरोना महामारी र मधेस आन्दोलनको अवधिबाहेक हरेक वर्ष असारको पहिलो शुक्रबारदेखि नियमित रूपमा राइड आयोजना गर्दै आएको छ । क्लबका सदस्यहरू हालसम्म करिब ७० जिल्लामा पुगिसकेका छन् ।
यसका साथै क्लबले विभिन्न सामाजिक संस्था, विद्यालय तथा आश्रमहरूमा सहयोग पुर्याउने, प्राकृतिक विपत्तिका समयमा राहत कार्यमा सहभागी हुने जस्ता सामाजिक कार्यहरू पनि गर्दै आएको छ । विभिन्न स्थानमा आयोजना गरिने राइडका क्रममा ट्राफिक सचेतना, सडक सुरक्षा लगायत विषयमा जनचेतना फैलाउने र च्यारिटी राइड सञ्चालन गर्ने कार्यलाई पनि निरन्तरता दिइएको छ ।
गत वर्ष सम्पन्न आठौं ‘म्याङ्गो राइड’ को अवसरमा लहानस्थित मुसहर बस्तीका करिब २०० विद्यार्थीलाई शैक्षिक सामग्री वितरण गर्नुका साथै उनीहरूको परिवारलाई झुल उपलब्ध गराइएको थियो । उक्त कार्यक्रमको उद्घाटन पूर्व ऊर्जामन्त्री कुलमान घिसिङले गरेका थिए । यस वर्षको म्याङगो राइडमा पनि विशिष्ट व्यक्तित्वको सहभागिता गराइने आयोजकले जनाएको छ ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...