इटहरीमा जेसीबीको ग्राहक सम्मान कार्यक्रम सम्पन्न

इटहरी–एमएडब्लू अर्थमुभर्स प्रालि अन्तर्गत रहेको जेसीबी नेपालले इटहरीमा जेसीबी ग्राहक सम्मान कार्यक्रम सफलतापूर्वक आयोजना गरेको छ । उक्त कार्यक्रममा विशिष्ट ग्राहकवर्ग, विभिन्न संघ–संस्थाका प्रतिनिधि, उद्योग क्षेत्रका सरोकारवाला र जेसीबी नेपाल टिमका सदस्यहरूको उल्लेखनीय सहभागिता रहेको थियो ।

कार्यक्रम कोशी क्षेत्रका जेसीबी ग्राहकहरूको निरन्तर विश्वास, सहयोग र साझेदारीप्रति कृतज्ञता व्यक्त गर्ने उद्देश्यले आयोजना गरिएको हो । ग्राहकहरूसँगको सम्बन्ध थप सुदृढ पार्न, जेसीबी नेपालको विकासमा उनीहरूको योगदानलाई सम्मान गर्न र भरपर्दो मेसिन, बलियो आफ्टर सेल्स सर्भिस तथा दीर्घकालीन ग्राहक सन्तुष्टिप्रति कम्पनीको प्रतिबद्धतालाई पुनः पुष्टि गर्ने मञ्चको रूपमा कार्यक्रम सफल रहको कम्पनीले जनाएको छ ।

कार्यक्रमको प्रमुख आकर्षणका रूपमा जेसीबी उपकरण, पाट्र्स, सर्भिस तथा वार्षिक मर्मत सम्झौता सेवामा दीर्घकालदेखि विश्वास गर्दै आएका ग्राहकहरूको औपचारिक सम्मान तथा पहिचान गरिएको थियो । उनीहरुको निरन्तर सहकार्यप्रति कृतज्ञता व्यक्त गर्दै सम्मान पत्र प्रदान गरिएको कम्पनी भनाई छ ।

कार्यक्रममा नेपालको निर्माण क्षेत्र, भारी उपकरण क्षेत्र एवम् औद्योगिक तथा व्यापारिक क्षेत्रमा महत्त्वपूर्ण भूमिका निभाउँदै आएका विभिन्न संघ–संस्थाका प्रतिनिधिहरूलाई पनि मायाको चिनो प्रदान गरिएको थियो । समारोहमा नेपाल हेभी इक्विपमेन्ट एसोसिएसन, निर्माण संघ, क्रसर संघ, इट्टा उद्योग संघ र स्थानीय वाणिज्य संघका प्रतिनिधिहरूलाई सम्मान गरिएको थियो ।

सोही कार्यक्रमको अवसरमा नयाँ जेसीबी मेसिन धनीहरूलाई औपचारिक रूपमा चाबी हस्तान्तरण गरिएको थियो । यस समारोहले जेसीबीको कार्यक्षमता, टिकाउपन र सेवा सञ्जालमा ग्राहकहरूको बढ्दो विश्वासलाई प्रतिबिम्बित गर्न सफल भएको कम्पनी भनाई छ ।

कार्यक्रमलाई थप महत्त्वपूर्ण बनाउँदै नेपाल हेभी इक्विपमेन्ट एसोसिएसनका अध्यक्ष उमाकान्त शर्माले जेसीबी थ्रीडीएक्स सुपर ब्याकहो लोडरको सरप्राइज बुकिङ गरे, जसले जेसीबीको प्रमाणित प्रविधि, कार्यक्षमता र विश्वसनीयतामा भारी उपकरण उद्योगको दृढ भरोसालाई पुनः पुष्टि गरेको थियो ।

जेसीबी नेपालका प्रमुख कार्यकारी अधिकृत तेज प्रसाद सुबेदीले उपस्थित सम्पूर्ण ग्राहक तथा साझेदारहरूप्रति हार्दिक आभार व्यक्त गर्दै
ग्राहकहरू केवल मेसिन खरिद गर्ने व्यक्ति मात्र नभई, आँफूहरुले निर्माण गरेको हरेक चीजको आधारस्तम्भ रहेको बताए । ‘प्रत्येक हस्तान्तरण, सेवा र दीर्घकालीन साझेदारीले हाम्रो सधैं साथमा रहने एउटै मात्र प्रतिज्ञालाई प्रतिनिधित्व गर्दछ । जेसीबी नेपाल विश्वस्तरीय उपकरण, प्रामाणिक आफ्टर सेल्स सर्भिस र विश्वासमा आधारित सम्बन्धको माध्यमबाट नेपालको विकासमा योगदान दिन दृढ प्रतिबद्ध छ । यस समुदायले हामीमाथि राखेको भरोसाका निम्ति हामी हार्दिक सम्मान व्यक्त गर्दछौं ।’ उनले भने ।