नयाँ प्रविधि र अल–ह्वील ड्राइभमा आउँदै सुजुकी फ्रंक्स

मारुती सुजुकीले आफ्नो लोकप्रिय सब कम्प्याक्ट एसयूभी फ्रंक्सको नयाँ फेसलिफ्ट संस्करण चाँडै भारतमा लन्च गर्ने तयारी गरेको छ। कम्पनीले अब २०२६ संस्करणमा नयाँ प्रविधि, आधुनिक सेफ्टी फिचर र डिजाइनमा केही परिवर्तनसहित थप आकर्षक बनाउने तयारी गरिरहेको छ।

हालै नयाँ मारुती फ्रंक्स फेसलिफ्टको डिजाइन परीक्षणका क्रममा देखिएको छ । सो एसयूभीको बाहिरी बनावट अहिलेको मोडलसँग धेरै हदसम्म मिल्दोजुल्दो देखिएको छ। यद्यपि, नयाँ संस्करणमा अगाडिको तथा पछाडिको बम्पर पुनः डिजाइन गरिएको हुनेछ भने नयाँ ग्रिलले यसको लुकलाई अझ आधुनिक बनाउने अपेक्षा गरिएको छ।

नयाँ फ्रंक्स फेसलिफ्टमा लेभल २ एडास समावेश गर्ने सम्भावना रहेको छ। परीक्षणका क्रममा गाडीमा एडास मोड्युल, नयाँ ३६० डिग्री क्यामेरा तथा थप फ्रन्ट पार्किङ सेन्सर देखिएको छ । साथै इन्टेरियरमा ठुलो टचस्क्रिन इन्फोटेनमेन्ट सिस्टम, थप प्रिमियम सिट कभर र नयाँ स्टेयरिङ ह्विल जस्ता परिवर्तनहरू पनि समावेश हुन सक्ने अनुमान गरिएको छ।

यसमा सबैभन्दा ठुलो आकर्षण भने अल ह्विल ड्राइभ सिस्टम हुनेछ । परीक्षणका क्रममा फ्रंक्स फेसलिफ्ट अल ह्विल ड्राइभ सेटअपसहित देखिएको थियो ।

यद्यपि कम्पनीले यसमा हालकै पावरट्रेनलाई निरन्तरता दिने सम्भावना छ । यसमा १.२ लिटर पेट्रोल इन्जिन रहनेछ, जसले ८० हार्सपावर पावर र ११३ एनएमको टर्क उत्पादन गर्छ। त्यस्तै, अर्को १.० लिटर टर्बो पेट्रोल इन्जिनले ९९ हार्सपावर पावर र १४७ एनएमको टर्क उत्पादन गर्नेछ।