होन्डाको पहिलो स्पोर्ट्स इलेक्ट्रिक बाइक डब्लुएन७ भारतमा पेटेन्ट

होन्डाले आफ्नो पहिलो स्पोर्ट्स इलेक्ट्रिक मोटरसाइकल डब्लुएन७ को डिजाइन भारतमा पेटेन्ट गराएको छ। सन् २०२६ मोडलका रूपमा तयार गरिएको सो बाइक होन्डाले सन् २०२४ पेश गरेको ईभी फन कन्सेप्ट संस्करण मानिएको छ।

पेटेन्टमा डिजाइनअनुसार डब्लुएन७ को फ्रन्ट रोबोटिक डिजाइनमा बनाइएको छ भने यसको नेकेड स्टाइलले स्पोर्टी लुक प्रदान गरेको छ । यसमा चौडा एलईडी डीआरएल, उल्टो शैलीको हेडल्याम्प, फराकिलो ह्यान्डलबार, बार एन्ड सर्कुलर मिरर र सिंगल पिस सिट जडान गरिएको छ। मोनोकक शैलीको सबफ्रेमका कारण यसको पछाडिको भाग सफा र आकर्षक देखिन्छ।

डब्लुएन७ मा ६०० सीसी क्षमताको इन्जिन जडान गरिएको छ, जसले करिब ६७.५ बीएचपी पावर र १०० एनएम टर्क जेनेरेट गर्छ । बाइकको कुल तौल २१७ किलोग्राम रहेको छ।

बाइकमा ९.३ किलोवाट आवर क्षमताको लिथियम आयन ब्याट्री प्याक प्रयोग गरिएको छ। यसले फुल चार्जमा करिब १३० किलोमिटर दूरी तय गर्न सक्छ । यसमा सीसीएसटु आधारित फास्ट चार्जिङ सुविधा पनि दिइएको छ, जसले ३० मिनेटभन्दा कम समयमा ब्याट्रीलाई २० प्रतिशतदेखि ८० प्रतिशतसम्म चार्ज गर्न सक्छ। साथै नियमित एसी चार्जिङको विकल्प पनि उपलब्ध गराएको छ ।

हाल बेलायतमा यसको सुरुवाती मूल्य १२ हजार ९९९ पाउन्ड रहेको छ। यद्यपि भारतमा यसको डिजाइन पेटेन्ट गरिए पनि निकट भविष्यमा सो बाइक भारतीय बजारमा बिक्रीका लागि आउने सम्भावना कम रहेको विश्लेषण गरिएको छ । यसको तुलनामा, भारतमा पेटेन्ट गरिएको होन्डा एयरब्लेड स्कुटर लन्च हुने सम्भावना बढी रहेको बताइन्छ। नेपालमा पनि आउने सम्भावना कमै हुन्छ ।