केटीएम ४५० -यालीको विशेष संस्करण सार्बजनिक, विश्वभर १०० युनिटमात्र उपलब्ध हुने

केटीएमले ४५० -याली रेप्लिका सार्वजनिक गरेको छ । विश्वभर जम्मा १०० युनिटमात्र उपलब्ध हुने यस विशेष संस्करणलाई कम्पनीले ब्रान्डको डकार -याली विजय उत्सव मनाउन सार्बजनिक गरेको हो ।

केटीएम ४५० -याली रेप्लिका -याली विजेता बाइकबाट लिइएको हो । ४४९.४ सीसी, लिक्विड–कूल्ड, सिंगल–सिलिन्डर इन्जिन जडान गरिएको यस मोटरसाइकलमा ६ स्पीड गियरबक्स दिइएको छ । बाइकमा ¥याली विशेष गियरिङका साथ ब्रेम्बो हाइड्रोलिक क्लच प्रयोग गरिएको छ ।

यस बाइकको अगाडि ३०४ मिलिमिटर र पछाडि २८० मिलिमिटरका साथ पूर्ण रूपमा एड्जस्ट गर्न मिल्ने डब्लूपी सस्पेन्सन राखिएको छ । साथै, यसमा ब्रेम्बो ब्रेक र टाइटेनियमबाट बनेको हल्का वजनको अक्रापोभिक एक्जस्ट दिइएको छ ।

४५० -याली रेप्लिकामा ३५ लिटर कुल क्षमता भएका तीनवटा फ्युल ट्यांकी उपलब्ध गराइएको छ । बाइकमा डिजिटल रोडबुकको लागि कार्बन फाइबर माउन्ट, कार्बन फाइबर ब्रेक डिस्क गार्ड र ट्याङ्क प्याड उपलब्ध गराइएको छ ।

साथै, केटीएमले ४५० -याली रेप्लिका लुसियानो बेनाभिड्स फ्याक्ट्री एडिसन पनि सार्वजनिक गरेको छ । विश्वभर जम्मा ८ युनिटमात्र उपलब्ध हुने यस मोटरसाइकलमा विशेष लिभरी उपलब्ध गराइएको छ ।