चितवन अटो शोमा फोटोनको विशेष अफर

काठमाडौं–फोटोन गाडीको नेपालका लागि आधिकारिक वितरक एमएडब्लू वृद्धि कमर्सियल भेहिकल्सले चितवन अटो शो २०२६ लाई लक्षित गरी विशेष अफर सार्बजनिक गरेको छ ।

फोटोनको स्टलमा पुगेर हाइ रूफ ईभी भ्यान र लो रुफ ईभी भ्यान तथा सोकोन ईभी भ्यान खरिद गर्दा ग्राहकले फ्यामिली रिट्रीट प्याकेज, ५५ इन्च एलईडी टिभी, नगद रेफरल बोनस तथा गिफ्ट ह्याम्पर प्राप्त गर्ने जनाइएको छ यी भ्यानको मूल्य क्रमशः ५३ लाख ४९ हजार, ४८ लाख ४९ हजार र ३९ लाख ९९ हजार रुपैयाँ पर्छ । यी सबै मोडलमा थप नगद छुट समेत पाइने कम्पनीको भनाई छ ।

बहुउपयोगी सवारी खोज्ने ग्राहकका लागि फोटोन टीएम१ मा नगद छुट र गिफ्ट ह्याम्पर उपलब्ध हुनेछ, जसको अन्तिम अफर पनि कार्यक्रममै घोषणा गरिनेछ । साथै, फोटोन पिकअपमा पहिलो वर्षका लागि शून्य प्रतिशत ब्याजदरको सुविधा प्रदान गरिनेछ, जसले व्यवसायी तथा उद्यमीहरूलाई सहज बनाउने अपेक्षा गरिएको छ ।

कम्पनीका अनुसार, देशभर १७१ भन्दा बढी ईभी चार्जिङ स्टेशन र १४ भन्दा बढी आउटलेटसहितको अफ्टर–सेल्स सर्भिस नेटवर्क, जेन्युइन स्पेयर पाट्र्सको उपलब्धता तथा लचिलो फाइनान्सिङ सुविधाले ग्राहकलाई दीर्घकालीन स्वामित्वमा भरोसा दिनेछ ।

फोटोन नेपालले चितवन तथा आसपासका उद्यमी, परिवार, फ्लिट अपरेटर र कमर्शियल ग्राहकलाई स्टलमा उपस्थित भई विशेष अफरको लाभ लिन आग्रह गरेको छ । चीनको अग्रणी कमर्शियल भेहिकल ब्रान्डको प्रतिनिधित्व गर्दै फोटोन नेपालले यस वर्षको अटो शोमा भविष्य–उन्मुख मोबिलिटी समाधान प्रस्तुत गर्ने जनाएको छ ।

वैशाख १७ देखी सुरु भएको चितवन अटो शो वैशाख २१ गतेसम्म चितवन एक्सपो सेन्टरमा सञ्चालन भइरहेको छ । जहाँ फोटोनले हल नं. ०३ को स्टल नं.०३ मा आफ्ना गाडीहरु शोकेस गरेको छ ।