३५० सीसी इन्जिनमा आयो ३९० ड्युक र ३९० एडभेन्चर, मूल्य कति ?

केटीएमले ३९० ड्युक र ३९० एडभेन्चरलाई ३५० सीसी इन्जिनमा उतारेको छ । नयाँ भेरिएन्टको सुरुवाती मूल्य क्रमशः २ लाख ७७ हजार र २ लाख ८१ हजार रुपैयाँ निर्धारण गरिएको छ ।

जीएसटी कम लाग्ने भएपछि यसबाट लाभ उठाउन केटीएमले ३९० ड्युक र ३९० एडभेन्चरलाई ३५० सीसीमा उतारेको हो । ३५० सीसी भेरिएन्टमा १८ प्रतिशतमात्र जीएसटी लाग्ने भएपछि सस्तो मूल्यमा बिक्री गर्न सकिन्छ ।

३९९ सीसी इन्जिनलाई डाउनसाइज गरेर ल्याइएको नयाँ ३५० सीसी इन्जिनले ८,६०० आरपीएममा ४१ बीएचपी र ७,००० आरपीएममा ३३.५ एनएम टर्क जेनेरेट गर्दछ ।

नयाँ इन्जिन बाहेक बाइकका अन्य सबै फिचरहरु यथावत गरिएको छ । ह्विलबेस, ग्राउन्ड क्लियरेन्स, प्रविधि र राइडिङ एर्गोनोमिक्स जस्ता महत्वपूर्ण पक्षमा कुनै परिवर्तन गरिएको छैन ।