नयाँ वर्षमा इनड्राइभले ल्यायो ‘राइड मोर, विन मोर’ क्याम्पेन

कठमाडौं–विश्वव्यापी मोबिलिटी तथा डेलिभरी प्लेटफर्म इनड्राइभले नेपाली नयाँ वर्ष २०८३ को अवसरमा ‘राइड मोर, विन मोर’ क्याम्पेन ल्याएको छ । यस क्याम्पेन मार्फत प्रयोगकर्ताले इनड्राइभ एपमार्फत राइड बुक गर्दा आकर्षक पुरस्कार जित्ने अवसर पाउनेछन् ।

नयाँ वर्षको समयमा परिवार र साथीभाइसँग भेटघाट गर्न धेरै मानिसहरू यात्रा गर्ने भएकाले, इनड्राइभले हरेक यात्रालाई अझ रमाइलो र लाभदायक बनाउने उद्देश्यले यो क्याम्पेन ल्याएको हो । यो क्याम्पेन २०२६ अप्रिल १४ देखि मे ४ सम्म सञ्चालन हुनेछ ।

यस क्याम्पेनको मुख्य विशेषताका रुपमा हरेक राइडमा एउटा लक्कि ड्र टिकट पाइनेछ । त्यसैगरी मेगा गिभअवेमा सहभागी हुन राइड सकिएपछि प्रयोगकर्ताले खल्ती एपमार्फत प्रयोगकर्ता खल्तीबाट ड्राइभर खल्तीमा कम्तीमा २ वटा कारोबार गर्नुपर्नेछ ।

यस क्याम्पेनका १० जना विजेताले अनर एक्स ७ डि स्मार्टफोन (मेगा गिभ अवे) प्राप्त गर्नेछन् भने प्रोमो कोड पुरस्कारमा १ हजार जनालाई १५ प्रतिशत क्यासब्याक (अधिकतम रु ५०), १ हजार जनालाई २०० क्यासब्याक सहित एयरलाइन प्रोमो कोड र १०० जनालाई खल्ती प्रो मा अपग्रेड गरिने जनाइएको छ ।

यो क्याम्पेन नेपालभरिका सबै प्रयोगकर्ताका लागि खुला रहेको र सहभागी हुन क्याम्पेन अवधिभर इनड्राइभ एपमार्फत राइड बुक गरे पुग्ने बताइएको छ । लक्की–ड्र हरेक हप्ता हुनेछ र विजेताहरू इनड्राइभका आधिकारिक फेसबुक, इन्स्टाग्राम र टिकटक पेजमार्फत सार्वजनिक गरिने जनाइएको छ ।