२.२२ लिटर पेट्रोल खपतमा १०० किलोमिटर माइलेज दिने जिलीको नयाँ हाइब्रिड सिस्टम

जिलीले आफ्नो नयाँ–पुस्ताको आई–एचईभी ‘इन्टेलिजेन्ट इनर्जी’ हाइब्रिड सिस्टम लन्च गरेको छ । सो नयाँ हाइब्रिड सिस्टमलाई कम्पनीले मोन्जारो र प्रिफेसजस्ता हाई भोल्यूम मोडलमा प्रयोग गर्ने जनाएको छ ।

आई–एचईभी सिस्टमले आर्टिफिसियल इन्टेलिजेन्स(एआई) मा आधारित ऊर्जा व्यवस्थापन र हाइब्रिड–समर्पित पावरट्रेन मार्फत समग्र ऊर्जा दक्षतामा १० प्रतिशत भन्दा बढी सुधार गर्ने दाबी गरिएको छ ।

आईटी होमका अनुसार, जिलीको आई–एचईभी सिस्टमले २.२२ लिटर पेट्रोलको खपतमा १०० किलोमिटर माइलेज प्रदान गर्दछ । जुन, गिनिज प्रमाणित माइलेज हो ।

सो नयाँ हाइब्रिड सिस्टमलाई ११–इन–१ इलेक्ट्रिक ड्राइभ युनिटसँग जोडिएको १.५ लिटर, १.५टीडी र २.० टीडी भेरियन्ट सहित धेरै हाइब्रिड–समर्पित इन्जिनमा प्रयोग गर्न सकिन्छ ।