बन्द भएको ४ वर्षपछि अपग्रेड भएर आयो पल्सर १८०

बजाजले आफ्नो चर्चित मोडल पल्सर १८० लाई पुनः बजारमा उतारेको छ । बन्द भएको ४ वर्षपछि कम्पनीले फिचर अपग्रेड गरेर यसको नयाँ भर्सन लन्च गरेको हो ।

क्लासिक पल्सर डिजाइनमा आधातिर यस मोटरसाइकलमा बजाजले मस्कुलर फ्युल ट्यांक, स्पोर्टी हेडल्याम्प काउल, चिन फेयरिङ र सिंगल–पीस सिट उपलब्ध गराएको छ । यो एलईडी हेडल्याम्प र एलसीडी इन्स्ट्रयुमेन्ट कन्सोलले सुसज्जित छ ।

बाइकमा जडान गरिएको १७८.६ सीसी, सिंगल–सिलिन्डर, एयर–कुल्ड इन्जिनले ८,५०० आरपीएममा १७ बीएचपी र ६,५०० आरपीएममा १५ एनएम टर्क जेनेरेट गर्दछ । इन्जिन ५–स्पीड गियरबक्समा जोडिएको छ ।

पल्सर १८० अगाडि टेलिस्कोपिक फोर्क र पछाडि डुअल शक एब्जर्बर राखिएको छ । १७ इन्चको अलोय ह्विल दिइएको यस मोटरसाइकलको अगाडि २८० एमएम रोटर र पछाडि २३० एमएम रोटर सहितको डिस्क ब्रेक राखिएका छन् ।

नयाँ पल्सर १८० को मूल्य १ लाख २२ हजार भारु निर्धारण गरिएको छ । यो मोटरसाइकल अबको केही समयपछि नेपाली बजारमा समेत उपलब्ध हुनेछ ।