अपडेट भएर आउँदै यामाहा फेसिनो, लिक भयो तस्बिर

यामाहाले आफ्नो स्टायलिस स्कुटर फेसिनोको २०२६ संस्करण लन्च गर्ने तयारी गरिरहेको छ । अपडेट गरिएको संस्करण हालै यसको एक डिलरशिपमा देखिएको थियो ।

यामाहाले फेसिनोमा केही कस्मेटिक परिवर्तनहरू गरेर लन्च गर्न लागेको हो । लिक भएको तस्बिर अनुसार, स्कुटरमा ठाडो टेलल्याम्प र दुबै छेउमा टर्न इन्डिकेटर सहित रिडिजाइन गरिएको रियर सेक्सन देखाइएको छ ।

स्कुटरको साइड प्यानलमा कालो ’फेसिनो एस’ ब्याज समेत राखिएको छ । २०२६ संस्करण मेकानिकल्ली अपरिवर्तित हुने अपेक्षा गरिएको छ ।

१२५ सीसी सिंगल–सिलिन्डर इन्जिन क्षमतमा आउने यस स्कुटरले अधिकतम पावर ८ बीएचपी र टर्क १०.३ एनएम जेनेरेट गर्नेछ ।