जिली बन्यो युरोपियन युनियनबाट एडास सर्टिफिकेट पाउने पहिलो चिनियाँ अटो निर्माता

जिली अटो ग्रुपको एड्भान्स्ड ड्राइभर असिस्टेन्स सिस्टम(एडास) ले युरोपियन युनियनबाट नियामक प्रमाणीकरण प्राप्त गरेको छ । जसले गर्दा यो प्रविधिले सुसज्जित सवारी साधनहरू जुन २०२६ सम्ममा युरोपेली सडकहरूमा गुड्न सक्ने बाटो खुलेको छ ।

जिलीको ‘जी–एएसडी’ सिस्टमले यूएन आर१७१ सर्टिफिकेसन पाएको हो, जुन युरोपियन युनिमा संचालनका लागि एक महत्वपूर्ण नियामक स्विकृती हो । यस्तो सर्टिफिकेट पाउने जिली एकमात्र चिनियाँ अटो निर्माता रहेको दाबी गरिएको छ ।

जी–एएसडीको अर्थ जिली अफारी स्मार्ट ड्राइभिङ भन्ने हुन्छ, जसलाई जिलीको स्वामित्वमा रहेको लिफान समूहको सहायक कम्पनीद्वारा विकास गरिएको हो ।

यो सर्टिफिकेसनले युरोपमा ड्राइभर असिस्टेन्स सिस्टमको लागि पासपोर्टका रूपमा काम गर्ने जनाइएको छ । यस सर्टिफिकेट पाएका सवारी साधनलाई कन्ट्रि–वाई–कन्ट्रि स्वीकृति आवश्यक नपर्ने र युरोपका लागि संयुक्त राष्ट्र आर्थिक आयोगका सबै सदस्य राष्ट्रहरूमा कानुनी रूपमा बेच्न अनुमति प्रदान गर्दछ । यसअघि यस्तो सर्टिफिकेट २०२५ मा बीएमडब्लूले पाएको थियो ।

उक्त सिस्टम पहिलो पटक युरोपमा लोटस ब्रान्डका सवारी साधनहरूमा देखा पर्ने उल्लेख गरिएको छ । लोटस हाल लोटस टेक्नोलोजीको स्वामित्वमा रहेको ब्रिटिश अटोमोटिभ ब्रान्ड हो, जुन, जिली अटो ग्रुप जस्तै, जिली होल्डिङ ग्रुपको सहायक कम्पनी हो ।