एलआआर मोटर्सको नयाँ वर्ष अफर : जिली ईएक्स५ किन्दा थाइल्याण्ड भ्रमण, नगद छुट र विभिन्न उपहार

काठमाडौं–नेपाली नयाँ वर्ष २०८३ को अवसर पारेर एलआरआर मोटर्सले आफ्नो प्रिमियम इलेक्ट्रिक एसयूभी जिली ईएक्स५ मा आकर्षक नयाँ वर्ष विशेष बिक्री योजना ‘नयाँ ऊर्जा, नयाँ यात्रा र नयाँ अनुभव’ सार्वजनिक गरेको छ ।

चैत्र १ देखि वैशाख ७ गतेसम्म लागू हुने यस योजनाअन्तर्गत सो अवधिभित्र ईएक्स५ खरिद गर्ने ग्राहकहरूले विभिन्न आकर्षक उपहार तथा सुविधाहरू प्राप्त गर्नेछन् । कम्पनीले ग्राहकहरूलाई विशेष अनुभव प्रदान गर्ने उद्देश्यले ६ रात ७ दिनको थाइल्याण्ड भ्रमण (२ जनाका लागि) सहितका विशेष लाभहरू समावेश गरेको जनाएको छ ।

यसका अतिरिक्त, यो विशेष योजनाअन्तर्गत ग्राहकहरूले ईएक्स५ म्याक्सको खरिदमा स्मार्ट कफी मेसिन, एडप्टेवल चार्जर, आकर्षक नगद छुट, ह्यासल–फ्री फाइनान्सिङ सुविधा, १ वर्षको निःशुल्क अटो प्लस इन्सुरेन्स तथा १ वर्षको निःशुल्क रोड ट्याक्स जस्ता सुविधाहरू पनि प्राप्त गर्नेछन् ।

कम्पनीका सेल्स एण्ड अपरेसन हेड अधिर श्रेष्ठका अनुसार, नयाँ वर्ष २०८३ को अवसरमा ग्राहकहरूलाई अझ विशेष अनुभव प्रदान गर्ने उद्देश्यले ईएक्स५ म्याक्समा यो आकर्षक योजना ल्याइएको हो । ‘विद्युतीय सवारीप्रति बढ्दो चासोलाई ध्यानमा राख्दै हामीले ग्राहकलाई थप मूल्य दिनेगरी थाइल्याण्ड भ्रमणदेखि बीमा, रोड ट्याक्स र अन्य सुविधाहरू समेटिएको प्याकेज तयार गरेका छौँ’ उनल भने ।

एलआरआर मोटर्सले अत्याधुनिक प्रविधि, सुरक्षा र प्रिमियम अनुभव प्रदान गर्ने लक्ष्यसहित जिली ईएक्स५ विद्युतीय एसयूभी नेपाली बजारमा उपलब्ध गराउँदै आएको छ । कम्पनीका अनुसार नयाँ वर्षको अवसरमा ल्याइएको यो योजना ग्राहकहरूलाई विद्युतीय सवारीतर्फ आकर्षित गर्ने र उनीहरूलाई थप मूल्य प्रदान गर्ने उद्देश्यले तयार गरिएको हो ।

कम्पनीले नयाँ वर्षमा ‘नयाँ ऊर्जा, नयाँ यात्रा र नयाँ अनुभव’ सुरु गर्न चाहने ग्राहकहरूलाई ईएक्स५ म्याक्स रोज्न आग्रह गरेको छ । इच्छुक ग्राहकहरूले कम्पनीको शोरुममा गई सीमित अवधिका लागि लागू भएको यस अफरको फाइदा लिन सक्नेछन् ।