मध्यपूर्ब द्वन्द्वकाे असर : युरिया अभावले ट्रक फ्लिटलाई ग्राउन्ड गर्न सक्ने चिन्ता

प्राविधिक–ग्रेड युरियाको आपूर्तिमा देखिएको अवरोधले डिजेल ट्रकको फ्लिटलाई ग्राउन्ड गर्न सक्ने भारतका अटोमोटिभ उद्योगहरुले चेतावनी दिएका छन् ।

सोसाइटी अफ अटोमोबाइल म्यानुफ्याक्चरर्स(एसएआईएम) ले इरान युद्धका कारण अप्रिल २०२६ को सुरुवात पछि युरिया आपूर्तिको ग्यारेन्टि नदेखिएको बताएको छ । द्वन्द्वले मध्य पूर्व ढुवानी मार्गहरू अवरुद्ध गरेको र क्षेत्रीय बन्दरगाहहरूमा सञ्चालन सीमित गरेका कारण भाडा तथा बीमा लागत बढाएको समेत उक्त संस्थाले जनाएको छ ।

बीएस६ मापदण्डका कमर्सियल भेइकल र प्यासेन्जर कारमा प्रयोग हुने डिजेल एक्जस्ट फ्लुइड(डीईएफ) मा प्राविधिक ग्रेड युरियालाई अत्यावश्यक तत्व मानिन्छ । भारतले दुबई र इजिप्टबाट आफ्नो प्राविधिक–ग्रेड युरियाको लगभग ५० देखि ६० प्रतिशत आपूर्ति पुरा गर्दै आएको छ ।

सबै बीएस६ कमर्सियल भेइकल र ठूला डिजेल प्यासेन्जर भेइकलमा अनिवार्य इन्जिन इन्टरलक संयन्त्र उपलब्ध गराइएको हुन्छ । जसअन्तर्गत डीईएफको स्तर समाप्त भएमा सवारी साधन सञ्चालन हुन सक्दैनन् ।