बीवाईडीले ल्यायो संसारकै सबैभन्दा धेरै रेन्ज दिने विद्यूतीय कार, यस्तो छ विशेषता

बीवाईडीले संसारकै सबैभन्दा धेरै रेन्ज दिने विद्यूतीय कार लन्च गरेको छ । कम्पनीले आफ्नो प्रिमियम न्यू इनर्जी भेइकल ब्रान्ड अन्तर्गत डेन्जा जेड९ जिटी लन्च गरेको हो ।

कम्पनीले यसअघि नै उपलब्ध डेन्जा जेड९ जीटीलाई रिफ्रेस गरेर ल्याएको हो । पाँच भेरियन्टमा उपलब्ध सो नयाँ कारको मूल्य ३९ हजार १०० डलरदेखी ५३ हजार ६०० डलरसम्म पर्ने जनाइएको छ । कार सिंगल–मोटर रियर–ह्वील–ड्राइभमा उपलब्ध छ ।

ब्लेड ब्याट्री २.० जडान गरिएको यस कारले सिंगल चार्जमा १,०३६ किलोमिटर( सीएलटीसी) रेन्ज प्रदान गर्ने दाबी गरिएको छ । यस कारलाई बीवाईडीले विश्वकै सबैभन्दा धेरै रेन्ज दिने प्योर इलेक्ट्रिक कार भनेको छ ।

डेन्जा जेड९ जीटीमा नयाँ कोलम शिफ्टर, पुनः डिजाइन गरिएको स्टेयरिङ ह्वील र डायनमिक एम्विएन्ट लाइटिङ समावेश गरिएको छ । कारको इन्टेरियरमा ठूलो फ्लोटिङ सेन्ट्रल कन्ट्रोल स्क्रिनका साथ तीनवटा स्क्रिन लेआउट उपलब्ध गराइएको छ ।

कारमा कार्बन फाइबर इन्टेरियर प्याकेज, थ्री स्पोक स्पोट्र्स स्टेयरिङ ह्वील, टच बुस्ट रेसिङ प्याडल, नयाँ एयर भेन्ट डिजाइन, प्रिमियम मेटल कोलम शिफ्टर, डायमन्ड क्विल्टिङ र विशेष ब्याजिङ जस्ता आधुनिक फिचर उपलब्ध गराइएको छ ।