लुयान नेपालले ल्यायो होली अफर, १५ हजारसम्म नगद छुट

काठमाडौं - लुयान नेपालले होली पर्वको उपलक्ष्यमा नगद छुटको अफर सञ्चालन गरेको छ ।

लुयान नेपालले बिक्री गर्ने सारथी ब्रान्डकाे विँगर र इकुटर स्कुटरको नगद खरिदमा रु. १५ हजारसम्मको छुटको व्यवस्था गरेको छ भने लुयान एमएनके३ प्रो स्कुटरको खरिदमा १० हजारसम्मको छुटको व्यवस्था गरेको छ ।
नगद छुटसँगै एउटा प्रिमियम हेलमेट र रेनकोट पनि उपलब्ध गराउने कम्पनीले जनाएको छ । यसका लागि कम्पनीको मुख्य शोरुम नागपोखरी, नक्साल तथा अन्य शोरुमबाट स्कुटर खरिद गर्न सकिनेछ ।

कम्पनीले नेपाली बजारमा विगत ७ बर्षदेखि विभिन्न इलेक्ट्रिक स्कुटरहरुको बिक्री र बिक्रीपछिको सेवा दिँदै आइरहेको छ ।

नेपाली बजारमा गुणस्तरीय स्कुटर सुपथ मुल्यमा दिने कम्पनीको रुपमा लुयान नेपाल परिचित छ । नेपालका डेडिकेटेड इलेक्ट्रिक स्कुटर कम्पनीहरुमा सबैभन्दा बढी सर्भिस सेन्टर र चार्जिङ सेन्टर पनि लुयान नेपालकै भएकाे बताइएको छ ।

१ लाख ४० हजार देखि लिएर २ लाख ६१ हजार रुपैयाँ सम्मका इलेक्टिक स्कुटर बिक्री गर्दै आइरहेको यो कम्पनीले आउँदो नयाँ बर्षमा लामो रेन्ज दिने इलेक्ट्रिक स्कुटर लञ्च गर्ने योजना बनाएको जनाएको छ ।

करिब ३ सय किलोमिटर रेन्ज दिने उक्त स्कुटरको लागि अहिले परीक्षण चलिरहेको बताइएको छ ।