तपाईंको बजारमा हाेन्डा एक्सचेन्ज क्याम्प

काठमाडौं - पानिपोखरीस्थित तपाईंको बजार (Tapaikobazar) मा माघ २५ गतेदेखि फागुन १ गतेसम्म होन्डा एक्सचेन्ज क्याम्प सुरु भएको छ। ग्राहकलाई लक्षित गर्दै आयोजना गरिएको यस विशेष क्याम्पमा पुराना दुईपाङ्ग्रे सवारी साधन साटेर नयाँ होन्डा मोटरसाइकल तथा स्कुटर सहज र भरपर्दो प्रक्रियामार्फत खरिद गर्न सकिने व्यवस्था गरिएको छ।

यस एक्सचेन्ज क्याम्पको मुख्य आकर्षण भनेको सजिलो र छिटो एक्सचेन्ज सुविधा हो। ग्राहकले प्रयोगमा रहेको जुनसुकै ब्रान्डको मोटरसाइकल वा स्कुटर ल्याएर उचित मूल्यांकनपछि नयाँ होन्डा सवारीसँग साट्न सक्नेछन्। अनुभवी प्राविधिक तथा मूल्यांकन टोलीद्वारा गरिने निष्पक्ष मूल्यांकनले ग्राहकलाई वास्तविक र प्रतिस्पर्धी मूल्य प्राप्त हुने विश्वास गरिएको छ।

एक्सचेन्ज सुविधासँगै सजिलो फाइनान्स सुविधा पनि उपलब्ध गराइएको छ। न्यूनतम कागजात, छिटो स्वीकृति प्रक्रिया र आकर्षक किस्ताबन्दी योजनामार्फत ग्राहकले आफ्ना बजेटअनुसार नयाँ होन्डा सवारी खरिद गर्न सक्नेछन्। विशेषगरी पहिलो पटक सवारी साधन खरिद गर्न चाहने युवावर्ग तथा परिवारका लागि यो योजना निकै उपयोगी हुने अपेक्षा गरिएको छ।

क्याम्प अवधिभर नगद खरिदमा ५ हजार रुपैयाँ सम्मको विशेष छुट पनि प्रदान गरिँदैछ। यसका अतिरिक्त, विभिन्न आकर्षक अफर, उपहार तथा थप सुविधाहरू पनि उपलब्ध हुने जानकारी तपाईंको बजारले दिएको छ।

सीमित समयका लागि मात्र लागू हुने यी अफरले ग्राहकलाई थप फाइदा पुर्‍याउने विश्वास गरिएको छ।
तपाईंको बजार नेपालमै बहु–ब्रान्ड सवारी साधन बिक्री गर्ने प्रतिष्ठित शोरूमका रूपमा परिचित छ। एउटै स्थानमा मोटरसाइकल, स्कुटर, विद्युतीय सवारी तथा अन्य विकल्पहरू उपलब्ध गराउँदै आएको तपाईंको बजारले ग्राहकको आवश्यकता र बजेटअनुसार समाधान प्रदान गर्दै आएको छ।

होन्डा जस्ताे विश्वसनीय ब्रान्डसँगको यस एक्सचेन्ज क्याम्पले बजारको सेवा गुणस्तरलाई अझ मजबुत बनाउने अपेक्षा गरिएको छ।

आयोजकका अनुसार, यस क्याम्पको उद्देश्य ग्राहकलाई गुणस्तरीय सवारी साधन किन्न सहज वातावरण सिर्जना गर्नु हो। बढ्दो यातायात आवश्यकता र सुरक्षित, भरपर्दो सवारीको मागलाई ध्यानमा राख्दै यस्तो कार्यक्रम ल्याइएको जनाइएको छ।