बीई६ ईभीमा भएको आगलागीबारे महिन्द्राले निकाल्यो यस्तो विज्ञप्ती

महिन्द्राले हालै भएको बीई६ आगलागी घटनाबारे एक आधिकारिक विज्ञप्ति जारी गरेको छ । उत्तर प्रदेशको एक राजमार्गमा गुडिरहेको बीई६ ईभीमा अचानक आगलागी भएको थियो ।

सामाजिक सञ्जालमा सेयर गरिएका भिडियोहरूमा विद्युतीय एयुभी सडकको बीचमा अड्किएको र पूर्ण रूपमा आगो लागेर नष्ट भएको देखाइएको छ ।

महिन्द्राले जारी गरेको आधिकारिक विज्ञप्तिमा, कम्पनीले डिफ्लेटेड टायरलाई दोष लगाएको छ । पूर्ण रूपमा डिफ्लेटेड टायरमा लगभग ६० किलोमिटर/घण्टाको गतिमा १० मिनेटभन्दा बढी समयसम्म चलाइएको कारण ईभीमा आगलागी भएको दाबी गरिएको छ ।

सेफ्टि सिस्टमले डिजाइन गरिएअनुसार नै काम गरेको तथा ईभी ब्याट्री र मोटर पूर्ण रूपमा सुरक्षित रहेको कम्पनी भनाई छ ।

विज्ञप्तीमा महिन्द्राले भनेको छ :
– अनबोर्ड सेन्सर डेटा र सफ्टवेयर डायग्नोस्टिक्सको अनुसन्धानको आधारमा, हामी पुष्टि गर्छौं कि आगलागीमा ईभी ब्याट्री र मोटर पूर्ण रूपमा जिम्मेवार छैनन । गुणस्तर र सुरक्षामा हाम्रो सर्वोच्च प्राथमिकता रहन्छ ।

– सबै सुरक्षा प्रणालीहरूले डिजाइन गरिए अनुसार काम गरेका कारण चालक र सबै यात्रुहरू सुरक्षित रूपमा गाडीबाट बाहिर निस्किए र कुनै हानि भएन ।

– टायर उच्च तापक्रमको अलर्ट जारी भएलगत्तै गाडीको गति सीमित र बन्द गर्ने सिस्टम सक्रिय भएका कारण गाडीलाई सुरक्षित रूपमा रोक्न सकिएको थियो ।

– बाह्य स्रोतबाट उत्पन्न हुने तीव्र थर्मल रनवेका बावजुद, उच्च भोल्टेज ब्याट्री पूर्ण रुपमा सुरक्षित रहेको छ ।

– बारम्बार टायर प्रेसर अलर्टहरु जारी हुँदा पनि कार पूर्ण रूपमा डिफ्लेटेड टायरमा लगभग ६० किमी/घण्टाको गतिमा १० मिनेट भन्दा बढी समयसम्म चलाइएको थियो ।