रोहित पौडेलले जितेको जेइको जे५ को २५ प्रतिशत उपहार कर एसपीजी अटोमोबाइल्सले बेहोर्ने

काठमाडौं — नेपाल प्रिमियम लिग (एनपीएल) सिजन २ को ऐतिहासिक समापनसँगै, नेपालका लागि ओमोडा र जेइको गाडीहरूको आधिकारिक बिक्रेता एसपीजी अटोमोबाइल्स प्रालिले राष्ट्रिय क्रिकेट टोलीका कप्तान रोहित पौडेलका लागि एक महत्वपूर्ण सहयोगको घोषणा गरेको छ।

एनपीएल सिजन २ मा "इलेक्ट्रिफाइङ प्लेयर अफ द टुर्नामेन्ट" घोषित भएका रोहित पौडेललाई पुरस्कार स्वरूप प्रदान गरिएको जेइकाे जे५ इलेक्ट्रिक एसयूभीको भव्य हस्तान्तरण कार्यक्रमका क्रममा, कम्पनीले उक्त गाडीमा लाग्ने २५ प्रतिशत उपहार कर (Gift Tax) पूर्ण रूपमा आफैँले बेहोर्ने आधिकारिक घोषणा गरेको छ।

जेइको जे५ एक प्रिमियम इलेक्ट्रिक एसयूभी हो, जसलाई विलासिता र मजबुत प्रदर्शन दुवैका लागि डिजाइन गरिएको छ। ४६१ किलोमिटरको रेन्ज, १५५ किलोवाटको शक्तिशाली मोटर र १८५ एमएमको उत्कृष्ट ग्राउन्ड क्लियरेन्स भएको यो गाडी नेपालको विविध भू-बनोटमा एक च्याम्पियनको यात्राका लागि उत्कृष्ट सहयात्री हुने कम्पनीकाे भनाइ छ ।

ओमोडा एन्ड जेइकोले नेपालकै प्रतिष्ठित क्रिकेट लिग ‘नेपाल प्रिमियर लिग (एनपीएल)’ को सिजन २ मा ‘ड्रिभन बाइ’ पार्टनरका रूपमा सहकार्य गरेको थियो । नेपाली खेल समुदायसँग आफ्नो सम्बन्धलाई अझ मजबुत बनाउँदै, ओमोडा एन्ड जेइकोले एनपीएल सिजन २ को “म्यान अफ द टुर्नामेन्ट” लाई ब्रान्डको एक प्रिमियम गाडी उपहार दिने घोषणा पहिले नै गरेको थियो ।

जेइको जे५ को मूल्य हाल ५६ लाख ९९ हजार रुपैयाँ छ । यो फुल इलेक्ट्रिक एसयूभी हो ।