बजाज एक्सचेन्ज महामेलामा जनकपुरधामका साहले जिते थाइल्यान्ड भ्रमणको टिकट

जनकपुरधाम – जनकपुरधाममा जारी बजाज एक्सचेन्ज महामेलामा एक जनाले थाइल्यान्ड भ्रमणको टिकट जित्न सफल भएका छन् । जनकपुरधामको रंगभूमि मैदानमा मंसिर १६ गतेदेखि चलिरहेको सो एक्सचेन्ज महामेलामा १५० सीसीको पल्सर खरिद गरेका द्वारिका प्रसाद साहले लक्की ड्र मार्फत थाइल्यान्ड भ्रमणको टिकट जित्न सफल भएका हुन् ।

आगामी मंसिर २२ सम्म चल्ने सो महामेलामा ३ जना भाग्यशाली विजेताका लागि थाइल्यान्ड भ्रमणको टिकट पुरस्कारस्वरुप राखिएको बजाजको डिलर ओम अटो जनकपुरधामका संचालक सन्तोष साहले बताए । यसमध्ये एकजना भाग्यशाली विजेताले महामेलाको तेस्रो दिन बिहीबार थाइल्यान्ड भ्रमणको टिकट जितेका छन् ।

बाँकी २ जना भाग्यशाली विजेताको नाम महामेलाको अन्मित दिन घोषणा गरिने ओम अटोका संचालक साहले बताए । महामेलामा जुनसुकै कम्पनीका पुराना मोटरसाइकल एक्सचेन्ज गर्न सकिने व्यवस्था गरिएको छ ।

मेलामा ग्राहकहरूले नागरिकताको आधारमा मात्र बजाजको बाइक फाइनान्स गर्न सक्नेछन् । शून्य सर्भिस चार्ज, अन द स्पट फाइनान्स, थप १० हजार रुपैया अतिरिक्त भ्यालुएसन, निःशुल्क एसेसरिज र आर्कषक छुट सहितको यो योजना ल्याएको कम्पनीले जनाएको छ ।

यो मेलामा कुनैपनि कम्पनीको पुरानो बाइक वा स्कुटरको मिनिमम भ्यालुएसन ३० हजार कम्पनीले दिनेछ भने मेलाको मुख्य आकर्षण ३ जना लक्की कस्टमरले थाइल्यान्ड भ्रमणको मौका पाउने छन् ।

जनकपुरमा भएको यस्तो मेला पहिलो पटक हो । यस खालको एक्सचेन्ज मेलामा ग्राहकहरूको पुरानो बाइकको उचित र उच्चतम मूल्यांकन गर्न विशेष भ्यालुएटरहरू समेत आउँने छन् । यी अनुभवी भ्यालुएटरहरूले ग्राहकहरूको बाइकको न्यायोचित मूल्यांकन गरी कम्पनीको तर्फबाट थप १० हजार रुपैयाँ सम्मको बोनस भ्यालुएसन ग्राहकहरुले पाउँनेछन ।

यसअघि मोटरसाइकल खरिद गर्दा हुने झन्झटिलो प्रक्रिया, जस्तैः घर जग्गाको लालपुर्जा, पानी वा बिजुलीको बिल, आय स्रोतको सर्टिफिकेट लगायतका कागजातको आवश्यकतालाई यो योजनाले पूर्ण रूपमा हटाएको छ । किस्ताबन्दीमा किन्न चाहने ग्राहकले १ घण्टाभित्रै लोन पास गरेर सरल फाइनान्स मार्फत यो सुविधा पाउनेछन् ।

बाह्रबिगाह मैदामा भइरहेको बजाज ग्रान्ड एक्सचेन्ज मेला हंसराज हुलासचन्द एण्ड कम्पनी प्रालिको नेपालकै बृहत मोटरसाइकल एक्सचेन्ज योजना हो । यस योजनामा कम्पनीका प्रतिनिधिकै उपस्थितिमा ग्राहकहरूले आफ्ना जुनसुकै कम्पनीका पुराना स्कुटर तथा बाइकहरूको अनुभवी र दक्ष भ्यालुएटरबाट उच्चतम भ्यालुएसन प्राप्त गरी बजाजका नयाँ मोडलहरू सजिलै किन्न सक्ने बजाज जनकपुरका सञ्चालक साहले जानकारी दिए ।