क्र्यास टेष्टमा सुजुकी ई भिटारालाई ५ स्टार रेटिङ

मारुतु सुजुकीको पहिलो इलेक्ट्रिक एसयूभी ई भिटाराले ५ स्टार रेटिङ पाएको छ । भारत एनक्यापद्वारा सञ्चालन गरिएको क्र्यास टेष्टमा ई भिटाराले यस्तो उपलब्धि हाँसिल गरेको हो ।

विद्युतीय एसयूभीले वयस्क यात्रु सुरक्षाको लागि ३१.४९/३२ अंक र बाल यात्रु सुरक्षाको लागि ४३/४९ अंक प्राप्त गरेको छ । त्यसैगरी, फ्रन्टल अफसेट डिफर्मेबल ब्यारियर परीक्षणमा, ई भिटाराले चालक र यात्रुको टाउको, घाँटी र तल्लो शरीरलाई राम्रो सुरक्षा प्रदान गरेको थियो ।

साइड मुभेबल डिफर्मेबल ब्यारियर र साइड पोल इम्प्याक्ट परीक्षणमा ईभीले यात्रुहरूको टाउको, छाती र तल्लो शरीरलाई राम्रो सुरक्षा प्रदान गरेको छ ।

बाल संयम प्रणालीको प्रयोग गरेर गतिशील परीक्षण गर्दा ई भिटाराले २४/२४ को गतिशील स्कोर र १२/१२ को सिआरएस स्थापना स्कोर प्राप्त गरेको छ । साथै, ई भिटारले सवारी साधन मूल्याङ्कनमा ७/१३ स्कोर पाएको छ ।

क्र्यास टेष्टका लागि ई भिटाराको अल्फा ६१ किलोवाट आवर संस्करण प्रयोग गरिएको थियो । यो नतिजा डेल्टा ४९ किलोवाट आवर र जेटा ६१ किलोवाट भेरियन्टहरूमा पनि लागू हुने जनाइएको छ ।