टिजरमा यस्तो देखियो नयाँ सेल्टोस, सार्वजनिक हुने मिति घोषणा

कियाले आफ्नो चर्चित एसयूभी सेल्टोसको नयाँ जेनेरेसन डिसेम्वर १० मा सार्वजनिक गर्दैछ । औपचारिक डेब्यु अघि कम्पनीले यसको टिजर सार्वजनिक गरेर ग्राहकमा उत्सुकता जगाएको छ ।

टिजरले सेल्टोसको पुनः डिजाइन गरिएको फ्रन्ट इन्डको झलक प्रदान गर्दछ । यसमा कियाको ’टाइगर नोज’ ग्रिलको पछिल्लो पुनरावृत्ति रहेको छ । जुन अब फ्रन्ट फेसियाको पुरै भागसम्म फैलिएको छ र दुबै छेउमा ठाडो एलईडी डीआरएल सहित नयाँ एलईडी हेडल्याम्प राखिएको छ ।

नयाँ सेल्टोसको पछाडिको छेउमा एलईडी लाइट बारद्वारा जोडिएको सी–आकारको एलईडी टेललाइट उपलब्ध गराइएको छ । लाइट सेटअप कियाको लाइनअपमा अन्य मोडलहरू जस्तै देखिन्छ । कारमा फ्लश–फिटिङ डोर ह्यान्डल, पुनः डिजाइन गरिएको ओआरभीएम, शार्कफिन एन्टेना र पछाडिको रुफ स्पोइलर दिइएको छ ।

नयाँ सेल्टोसमा कियाले पेट्रोल–हाइब्रिड पावरट्रेन दिने भएको छ । यो हालको १.५ लिटर, ४ सिलिन्डर, प्राकृतिक रूपमा एस्पिरेटेड पेट्रोल इन्जिनमा आधारित हुने सम्भावना छ । नयाँ मोडलमा हालको १.५ लिटर टर्बो पेट्रोल र डिजेल इन्जिनहरू पनि प्रस्ताव गरिने सम्भावना छ ।