हव मोटर जडान भएर आउँदै बजाज चेतक, प्लेटफर्म समेत नयाँ हुने

बजाजले आफ्नो लोकप्रिय इलेक्ट्रिक स्कुटर चेतकको नेक्स्ट जेनेरेशन मोडल तयार पारिरहेको छ । परिक्षणका क्रममा हालै देखिएको तस्विरअनुसार सो नयाँ मोडलमा हब–मोटर जडान भएको देखिएको छ । साथै यसको डिजाइनमा समेत केही परिवर्तन हुने आँकलन गरिएको छ ।

बजाले हब–माउन्ट गरिएको मोटर जडान गरेर चेतकलाई अझै सस्तो मूल्यामा ल्याउने तयारी गरिरहेको मिडिया रिपोर्टमा उल्लेख गरिएको छ । उक्त मोटर इन्ट्रि लेभल भेरिएन्टमा मात्रै उपलब्ध हुन सक्ने अनुमान गरिएको छ ।

स्कुटरमा एकीकृत एलईडी डीआरएल, एलसीडी इन्स्ट्रमेन्ट कन्सोल र क्लियर लेन्स टेललाइ सहितको ओभल एलईडी हेडल्याम्प रहेको उपलब्ध हुनेछ । साथै, यसलाई बजाजले नयाँ प्लेटफर्मममा तयार पार्न सक्ने समेत आँकलन गरिएको छ ।

नयाँ स्कुटर धेरै ब्याट्री अप्सनमा उपलब्ध हुने र २०२६ को पहिलो त्रैमासिक आसपासमा लन्च हुने अपेक्षा गरिएको छ । चेतकको नयाँ जेनेरेशनले सस्तो मूल्यमा प्रिमियम इलेक्ट्रिक स्कुटर खरिद गर्न चाहनेलाई सजिलै आकर्षित गर्न सक्ने अनुमान गरिएको छ ।