लिपमोटर बी१० द्वारा सिंगल चार्जमै काठमाडौं–पोखरा–काठमाडौं यात्रा सम्पन्न

काठमाडौं–नेपाली बजारमा हालसालै भित्रिएको नयाँ बिद्युतीय कार लिपमोटर बी१० ले सिंगल चार्जमै काठमाडौं–पोखरा–काठमाडौं यात्रा सम्पन्न गरेको छ ।

नेपालका लोकप्रिय अटोमोटिभ कन्टेन्ट प्लेटफर्मद्वारा हालै आयोजित रेञ्ज टेष्ट कार्यक्रममा बी१० को वास्तविक प्रदर्शन र दक्षता परीक्षण गरिएको हो । यस परीक्षणअन्तर्गत टोलीले लिपमोटर उत्तरढोकास्थित शोरुमबाट यात्रा सुरु गरी पोखरा लेकसाइडसम्म पुगेर पुनः काठमाडौं फर्कने सम्पूर्ण यात्रालाई एकै दिनमा करिब ४५० किलोमिटर दूरी तय गर्दै एकै चार्जमा सफलतापूर्वक पूरा गरेका हुन् ।

लिपमोटरको नेपालका लागि आधिकारिक वितरक सांग्रिला मोटर्सका अनुसार यो सफल परीक्षणले लिपमोटर बी१० को उत्कृष्ट ऊर्जा दक्षता, अत्याधुनिक ब्याट्री प्रविधि र नेपालको विविध सडक अवस्थाहरूमा पनि विश्वसनीय प्रदर्शन गर्ने क्षमतालाई स्पष्ट प्रमाणित गरेको छ ।

यस उपलब्धिले लिपमोटरको लामो यात्रामा व्यावहारिक रेन्ज, आराम र आत्मविश्वाससहित स्मार्ट इलेक्ट्रिक मोबिलिटीको नयाँ युग सुरु गर्ने प्रतिबद्धतालाई झल्काएको कम्पनीको भनाई छ ।