टाटाले मुम्वईमा खोल्यो भारतको सबैभन्दा ठूलो मेगा चार्जर हब

टाटा प्यासेन्जर इलेक्ट्रिक मोबिलिटी लिमिटेडले मुम्बईमा भारतको सबैभन्दा ठूलो मेगाचार्जर हब स्थापना गरेको छ । कम्पनीले टाटा पावरसँगको साझेदारीमा उक्त हव सञ्चालनमा ल्याएको हो ।

मुम्बईको पहिलो प्रिमियम र ठूलो स्तरको उक्त मेगाचार्जर हब निजी ईभी, इलेक्ट्रिक ट्याक्सी, राइड–हेलिङ फ्लीट र लजिस्टिक अपरेटरहरूलाई सेवा दिन डिजाइन गरिएको हो ।

१६ वटा चार्जिङ वे भएको सो मेगा चार्जर हबमा १२० किलोवाटसम्मको गति भएका आठवटा डिसी फास्ट चार्जर राखिएका छन् । चार्जर हवमा टाटा बाहेक अन्य ब्रान्डका ईभीले समेत सेवा लिन सक्ने जनाइएको छ ।

टाटा ईभीले चार्ज गर्दा भने २५ प्रतिशतसम्म छुट पाउन सकिने बताइएको छ । टाटा भारतको सर्बाधिक बिक्री हुने इलेक्ट्रिक फोर ह्विलर ब्रान्ड हो । सडकमा टाटा ईभीको चाप बढेसंगै कम्पनीले एकै पटकमा धेरै ईभी चार्ज गर्न मिल्ने मेगा चार्जरको विस्तारलाई तिव्रता दिने योजना बनाएको छ ।