ओमोडा एन्ड जेइको ईभी किन्दा ७ लाखसम्म नगद छुट, ‘फेस्टिभ राइड, मेगा ड्राइभ’ अभियान सुरु

काठमाडौं – ओमोडा एन्ड जेइकोको नेपालका लागि आधिकारिक वितरक एसपीजी अटोमोबाइल्स प्रालिले दशैं–तिहारको अवसरमा ‘फेस्टिभ राइड, मेगा ड्राइभ’ अभियान सुरु गरेको छ । यो अभियान नयाँ सार्वजनिक गरिएको जेइको जे५, ओमोडा ई५ र जेइको जे६ मा लागू हुने जनाइएको छ । अफरअन्तर्गत ग्राहकले ओमोडा एण्ड जेइको ब्रान्डका ईभी खरिद गर्दा ७ लाखसम्म नगद छटु पाउनेछन्।

कम्पनीका अनुसार, यस अभियानले ग्राहकलाई आकर्षक मूल्यमा गाडी खरिद गर्ने अवसर दिएको छ । नयाँ जेइको जे५ मा ४ लाख, ओमोडा ई५ मा ७ लाख र जेइको जे६ मा ४ लाख रुपैयाँ नगद छुट दिइको हो ।

अफरअन्तर्गत, ६० लाख ९९ हजार रुपैयाँ पर्ने जेइको जे५ लाई ५६ लाख ९९ हजार, ६१ लाख ९९ हजार पर्ने ओमोडा ई५ लाई ५४ लाख ९९ हजार र ६९ लाख ९९ हजार रुपैयाँ पर्ने जेइको जे६ लाई ६५ लाख ९९ हजार रुपैयाँमा खरिद गर्न सकिनेछ ।

यस अफरमा एक्सचेञ्ज बोनस, ७ किलोवाट क्षमताको वाल चार्जर र १ वर्षको इन्स्योरेन्स पनि समावेश गरिएको छ । सीमित अवधिका लागि मात्र उपलब्ध हुनेछ यस अफरमा शर्त तथा नियम लागू हुने कम्पनीको भनाई छ ।

यस्तो छ ओमोडा र जेइकोका ईभी
कम्पनीले बिक्री गर्दै आएको जेइको जे५ मा १५५ किलोवाट क्षमताको इलेक्ट्रिक मोटर र ५८.९ किलोवाट आवरको ब्याट्री प्याक जडान गरिएको छ, जसले एकपटकको चार्जमा ४०२ किलोमिटर रेन्ज प्रदान गर्छ । यसमा स्पेयर टायरको सुविधा छ र ग्राउण्ड क्लियरेन्स १८५ मिलिमिटर रहेको छ ।

ओमोडा ई५ मा ९९ किलोवाट आवर क्षमताको मोटर र ६१ किलोवाट आवरको ब्याट्री प्याक रहेको छ, यसले एकपटकको चार्जमा४३० किलोमिटरको डब्लुएलटिपी रेन्ज दिन्छ । यसमा पनि स्पेयर टायर र १८५ मिलिमिटर ग्राउण्ड क्लियरेन्स समावेश छ, जसले लामो यात्रालाई सहज बनाउँछ ।

त्यसैगरी, जेइको जे६ हल्का अफ–रोड एसयूभी हो, जसमा १३५ किलोवाट क्षमताको मोटर र ६५.६९ किलोवाट आवरको ब्याट्री प्याक जडान गरिएको छ । यस एसयुभीले एकपटकको फुल चार्जमा ४०० किलोमिटर रेन्ज दिने दाबी गरिएको छ भने ग्राउन्ड क्लिरियन्स २०० मिलिमिटर छ ।