१ लाख १९ हजार भारुमा आयो एनटर्क १५०, यस्तो छ विशेषता

टीभीएसले आफ्नो नयाँ स्कुटर एनटर्क १५० लन्च गरेको छ । दुई भेरिएन्टमा उपलब्ध सो स्कुटरको सुरुवाती मूल्य १ लाख १९ हजार भारु निर्धारण गरिएको छ ।

एनटर्क १२५ सिसीमा आधारित यस स्कुटरको डिजाइन भने स्पोर्टी रहेको छ । स्कुटरमा क्वाड प्रोजेक्टर एलइडी, शार्प टेलल्याम्प, स्प्लिट ग्र्याब रेल सहितको सिंगल–पीस सिट र आकर्षक हेडल्याम्प दिइएको छ । यो टर्बो ब्लू, नाइट्रो ग्रिन, रेसिङ रेड र स्टेल्थ सिल्भर कलरमा उपलब्ध छ ।

एनटर्क १५० मा १४९.७ सीसी, ३–भल्भ, सिंगल–सिलिन्डर इन्जिन जडान गरिएको छ, जसले १३ बिएचपी पावर र १४.२ एनएम टर्क जेनेरेट गर्दछ । सिभिटी ट्रान्समिसन उपलब्ध यसको टप स्पिड १०४ किलोमिट प्रतिघण्टा छ ।

स्कूटरमा १२ इन्चको अलोय ह्वील, अगाडि डिस्क ब्रेक र पछाडि ड्रम ब्रेक राखिएको छ । साथै, यसमा सिंगल–च्यानल एबिएस समेत पाउन सकिन्छ ।

एनटर्क १५० मा स्ट्रिट र रेस गरी दुईवटा राइडिङ मोड, ट्रयाक्सन कन्ट्रोल, एड्जस्टेवल ब्रेक लिभर र ब्लुटुथ कनेक्टिभिटीका साथ टीएफटी डिस्प्ले दिइएको छ ।