१० औं वार्षिकोत्सवको अवसरमा क्रेटाको तीन नयाँ विशेष संस्करण लन्च, यस्तो छ मूल्य र विशेषता

हुन्डाईले आफ्नो १० औं वार्षिकोत्सवको अवसरमा क्रेटाको तीन नयाँ विशेष संस्करण लन्च गरेको छ । कम्पनीले क्रेटा किङ, किङ नाइट र किङ लिमिटेड संस्करण लन्च गरेको हो ।

क्रेटा किङमा १८ इन्चको डायमन्ड–कट एलोय ह्वील र ‘किंग’ प्रतीक राखिएको छ । इन्टेरियरमा मेमोरी फंक्सन सहितको इलेक्ट्रिकल्लि एड्जस्टेवल ड्राइभर सिट, ८–वे पावर एड्जस्टेवल प्यासेन्जर सिट, प्यासेनजर सिटमा इलेक्ट्रिक वाक–इन डिभाइस, आईटी डिभाइस होल्डर र रिट्रयाक्टवेल कप होल्डरका साथ अगाडी सिटब्याक टेबल स्टोरेज सहितको स्लाइडिङ आर्मरेस्ट लगायत फिचर दिइएको छ ।

साथै कारमा, डुअल–जोन अटोमेटिक क्लाइमेट कन्ट्रोल, ड्यासक्याम र वायरलेस एन्ड्रोइड अटो एबं एप्पल कारप्ले जस्ता आधुनिक फिचर सामेल गरिएको छ । यस संस्करणको मूल्य १७ लाख ८८ हजार ५०० देखी २० लाख ६१ हजार १०० भारुसम्म निर्धारण गरिएको छ ।

हाल बजारमा उपलब्ध क्रेटाको टप स्पेक भेरिएन्टमा आधारित यस संस्करणमा पनि उहि पुरानै १.५–लिटर पेट्रोल इन्जिना साथ ६–स्पीड म्यानुअल अर्थात आईभीटी, १.५–लिटर डिजेलका साथ ६–स्पीड म्यानुअल तथा ६–स्पीड अटोमेटिक र १.५–लिटर टर्बो–पेट्रोलका साथ ७–स्पीड डिसिटी कम्बो अप्नसन दिइएको छ ।

त्यसैगरी, क्रेटा किङ लिमिटेड संस्करणमा हेडरेस्ट कुशन, कार्पेट म्याट, कि कभर, ढोकाको क्ल्याडिङ र सिट बेल्ट कभर थप गरिएको छ । एसयुभी एबिस ब्ल्याक, एटलस ह्वाइट र कालो म्याट कलरमा उपलब्ध हुनेछ । यस संस्करणमा हुन्डाइले १.५–लिटर पेट्रोल इन्जिनका साथ आईभिटी र १.५–लिटर डिजेल इन्जिनका साथ ६–स्पीड अटोमेटिक गियरबक्सको विकल्प दिएको छ । यस संस्करणको मूल्य १९ लाख ४९ हजार ४०० र २० लाख ७७ हजार भारु तोकिएको छ ।

किङ नाइट संस्करणलाई भने हुन्डाइले पूर्ण कालो बाहिरी आवरणमा ल्याएको छ । यस संस्करणमा पनि क्रेटा किंग जस्तै धेरै सुविधाहरू राखिएका छन् । यो एसयुभी १.५–लिटर पेट्रोल इन्जिका साथ आईभीटी र १.५–लिटर डिजेल इन्जिनका साथ ६–स्पीड अटोमेटिक अपस्नमा उपलब्ध छ ।

क्रेटाको किङ नाइट संस्करणमा टच प्यानलको साथ डुअल–जोन अटोमेटिक क्लाइमेट कन्ट्रोल, वायरलेस एन्ड्रोइड अटो एबं एप्पल कारप्ले, ड्यासक्याम र १८–इन्च अलोय ह्वील जस्ता फिचर दिइएको छ ।

साथै यसको एन लाइनमा भने वायरलेस कनेक्टिभिटी, डुअल–जोन क्लाइमेट कन्ट्रोल र ड्यासक्याम लगायत फिचर समेत उपलब्ध गराइएको छ । यस संस्करणको मूल्य १९ लाख ६४ हजार ३०० र २० लाख ९२ हजार भारु पर्छ