भेस्पा र एप्रिलिया स्कुटर किन्दा नगद छुटको साथै वम्परमा १० लाख उपहार

काठमाडौं —भेस्पा र एप्रिलिया स्कुटरको नेपालका लागि आधिकारिक वितरक डेल्टा अटोकर्प प्रालिले यस वर्षको दशैं, तिहार तथा छठ पर्वलाई लक्षित गरी ‘डबल या तेब्बर बबाल’ फेस्टिभ अफर सार्वजनिक गरेको छ ।

नेपालीहरूको महान पर्वलाई अझ रोचक र उत्साहपूर्ण बनाउन ल्याइएको यो अफर अन्तर्गत, भेस्पा र एप्रिलिया स्कुटर खरिद गर्ने हरेक ग्राहकले आकर्षक स्क्र्याच कार्ड प्राप्त गर्नेछन् । कार्डमा दिइएको क्यूआर कोड स्क्यान गरी स्क्र्याचमार्फत प्राप्त रकमलाई दोब्बर वा तेब्बरसम्म बढाउन सकिने छ ।

यस अफर अन्तर्गत, हरेक हप्ताको लक्की ड्र मार्फत ग्राहकले ४ रात ५ दिनको रोमाञ्चक थाइल्याण्ड भ्रमण जित्ने अवसर पाउने छन् । त्यतिमात्र नभई, अफरको बम्पर पुरस्कार स्वरूप एक भाग्यशाली ग्राहकले १० लाख नगद जित्ने विशेष अवसर पनि प्राप्त गर्ने छन् ।

त्यसैगरी, जुनसुकै कम्पनीको पुरानो मोटरसाइकल वा स्कुटर एक्सचेन्ज गर्दा न्यूनतम ४० हजार मूल्याङ्कन प्राप्त गर्न सकिने छ । साथै, स्क्र्याच कार्डमार्फत बजार मूल्याङ्कन भन्दा थप १ लाख ५० हजारसम्म पाउन सकिने छ । फाइनान्स सुविधाहरू पनि उत्तिकै आकर्षक रहेको कम्पनीले जनाएको छ । जसमा, ४.९९ प्रतिशतमात्र ब्याज दरमा ईएमआई सुविधा, शून्य सेवा शुल्क सहित उपलब्ध हुनेछ । यो अफर नेपालभरका सबै आधिकारिक भेस्पा र एप्रिलिया शोरूमहरूमा उपलब्ध हुने कम्पनीको भनाई छ ।

योजनाबारे बोल्दै डेल्टा अटोकर्प प्रालिका प्रमुख कार्यकारी अधिकृत विजय महतोले भने, ‘डेल्टा अटोकर्प सधैं आफ्ना ग्राहकहरूका लागि आकर्षक र फाइदाजनक योजना ल्याउन प्रतिबद्ध छ । यस वर्ष दशैं, तिहार र छठ पर्वको उल्लासलाई अझ रोचक बनाउन हामीले ‘डबल या ट्रिपल बबाल’ अफर सार्वजनिक गरेका छौं । हामी विश्वास गर्छौं, यो अफरले ग्राहकहरूको उत्सवलाई थप विशेष बनाउनेछ र उनीहरूले यस योजनाबाट भरपुर लाभ लिन सक्नेछन् ।’