यातायात व्यवस्था विभागले भन्यो, ‘इम्बोस्ड नम्बर प्लेट जडान नगरे जरिवाना हुँदैन’

काठमाडौँ- यातायात व्यवस्था विभागले तत्काल सवारी साधनमा इम्बोस्ड नम्बर प्लेट जडान नगरेको खण्डमा जरिवाना नलाग्ने स्पष्ट पारेको छ।

विभागले आफूलाई अनुकूल भएको समयमा इम्बोस्ड नम्बर प्लेट जडान गर्न सकिने उल्लेख गरेको हो । मंगलबार सूचना जारी गरेर सम्पूर्ण सरकारी, निजी र सार्वजनिक सवारी साधनहरूमा क्रमशः जोड्दै लैजाने निर्णय भएको भए पनि असोज १ गतेदेखि जडान नगरे कारबाही नहुने उल्लेख गरेको छ ।

विभागले आफूलाई अनुकूल समयमा सवारी दर्ता गरेको कार्यालयमा गई स्वतःस्फूर्त ढङ्गले इस्बोस्ड नम्बर प्लेट जडान गर्न सकिने उल्लेख गरेको छ। विभागले आगामी असोज १ गतेभित्र सवारी साधनमा इम्बोस्ड नम्बर प्लेट जडान नगरे दण्ड जरिवाना लाग्ने कुरालाई निराधार भन्दै भ्रममा नपर्न आग्रह गरेको छ ।