निसान म्याग्नाइटमा अब १० वर्षको विस्तारित वारेन्टी

निसानले आफ्नो लोकप्रिय एसयुभी म्याग्नाइटमा १० वर्षको विस्तारित वारेन्टि दिने भएको छ । निसानले केवल २२ पैसा÷किमी वा १२ रुपेयाँ प्रतिदिनको प्रभावकारी मूल्यमा १० वर्ष वा २ लाख किलोमिटरसम्मको नयाँ योजना ल्याएको हो । जसमा ३ वर्ष वा १ लाख किलोमिटरको स्ट्यान्डर्ड वारेन्टी समावेश गरिएको छ ।

विस्तारित वारेन्टी योजनाहरूले पार्टपुर्जा, मर्मत र सम्बन्धित खर्चहरूको लागि व्यापक कभरेज प्रदान गर्ने जनाइएको छ । यसले ८ औं, ९ औं र १० औं वर्षको लागि इन्जिन र ट्रान्समिसन कभरेज प्रदान गर्दछ ।

१० वर्षको विस्तारित वारेन्टी केवल ३ वर्षको स्ट्यान्डर्ड वारेन्टी भएका सवारी साधनहरूको लागि लागु हुने जनाइएको छ, जुन नयाँ म्याग्नाइटबाट सुरु हुन्छ । यो निजी स्वामित्वमा रहेका सवारी साधनहरूको लागि मात्र उपलब्ध हुनेछ ।

स्ट्यान्डर्ड वारेन्टीको म्याद सकिनु अघि कुनै पनि अधिकृत डिलर मार्फत विस्तारित वारेन्टी खरिद गर्न सकिनेछ । ग्राहकहरूले ३+७, ३+४, ३+३, ३+२, र ३+१ वर्षको लागि विकल्पहरू सहित विभिन्न योजनाहरू समेत छनौट गर्न सक्नेछन् ।