जगदम्बा मोटर्सद्वारा फारिजोन र चेरी वान्डाका विद्युतीय भ्यान सार्बजनिक यस्तो छ मूल्य र विशेषता

काठमाडौं– काठमाडौंको भृकुटीमण्डमा जारी नाइमा मोबिलिटी एक्सपोमा जगदम्बा मोटर्सले १४ र १९ सिट क्षमतामा दुई नयाँ इलेक्ट्रीक भ्यान सार्वजनिक गरेको छ ।

कम्पनीले जिली ग्रुप अन्तर्गतको फारिजोन ब्राण्डको १९ सिटे र चेरी अन्तर्गतको वान्डा ब्राण्डको १४ सिटे इलेक्ट्रीक भ्यान नेपालमा सार्वजनिक गरेको हो । यी भ्यानको मूल्य क्रमशः ७६ लाख ९० हजार र ५६ लाख ५० हजार रुपैयाँ निर्धारण गरिएको छ ।

कम्पनीले नेपाल ल्याएको फारिजोन भ्यानमा १७० किलोवाट क्षमताको मोटर र ८२.८८ किलोवाट आवरको ब्याट्री प्याक जडान गरिएको छ । यसले एकपटकको फुल चार्जमा ३०० किलाोमिर बढि रेन्द दिने दाबी गरिएको छ ।

यस भ्यानमा सुरक्षाका लागि एयरब्याग, एबीएस, ईबीडी, ३६० डिग्री क्यामेरा, एडास, एभास जस्ता फिचर छन् । कम्पनीले यसको ब्याट्रीमा ४ वर्ष वा ७ लाख किमी र मोटरमा ५ वर्ष वा २ लाख किमीको वारेन्टी दिएको छ ।

त्यस्तै, कम्पनीले चेरी वान्डाको १४ सिटे भ्यान पनि सार्वजनिक गरेको छ । कम्पनीले चेरीवान्डाको मूल्य ५६.५ लाख रुपैयाँ तोकेको छ । यस भ्यानमा ५३.५८ किलोवाट आवरको ब्याट्री जडान गरिएको छ । यसले एकपटकको फुलचार्जमा ३०० किमी रेन्ज दिने कम्पनीको दाबी छ । यसको ग्राउण्ड क्लियरेन्स १८० एमएम रहेको छ ।

कम्पनीले चेरीवान्डा १४ सिटे भ्यानको ब्याट्रीमा ५ वर्ष वा ३ लाख किमी र मोटरमा ५ वर्ष वा २ लाख किमीको वारेन्टी दिएको छ ।