सुजुकी इर्टिगा र बलेनोमा अब ६ वटा एयरब्याग अनिवार्य, मूल्य १.४ प्रतिशतसम्मले वृद्धि

मारुती सुजुकीले आफ्नो लोकप्रिय कार ईर्टिगा र बलेनोको सबै भेरिएन्टमा ६ वटा एयरब्याग अनिवार्य गरेको छ । यसअघि यी दुबै कारको टप स्पेक भेरिएन्टमा मात्रै ६ वटा एयरव्याग राखिएकोको थियो ।

सेफ्टि फिचर थप भएसंगै इर्टिगाको मूल्य १.४ प्रतिशत सम्मले बढेको छ भने बलेनोको ०.५ प्रतिशतले बढाइएको छ ।

मारुती सुजुकी इन्डिया लिमिटेडका एमडी हिसाशी ताकेउचीका अनुसार यस वर्ष मारुती सुजुकीले आफ्नो बाँकी सबै मोडलको सम्पूर्ण भेरिएन्टमा ६ वटा एयर व्यागलाई अनिबार्य गर्न योजना बनाएको छ ।

यस वर्षको मे महिनामा मारुतीले वागनआर, अल्टो के१०, सेलेरियो र इकोका सबै भेरियन्टहरूमा ६ वटा एयरब्याग प्रस्तुत गरेको थियो । कम्पनीको उक्त कदमले उसको सम्पूर्ण एरेना रेन्जलाई सुरक्षित बनाएको छ ।