एक्सईभी ९ई र बीई ६ को प्याक टु भेरिएन्ट अव ७९ किलोवाट आवर ब्याट्री प्याकमा पनि

महिन्द्राले आफ्नो बोर्न इलेक्ट्रिक एसयुभीहरूको प्याक टु भेरियन्टमा ७९ किलोवाट आवरको ब्याट्री प्याक दिएको छ । यसअघि यो भेरिएन्ट ५९ किलोवाट आवरको ब्याट्री प्याकमा मात्रै उपलब्ध थियो । यी ईभीको मूल्य क्रमश २३ लाख ५० हजार र २६ लाख ५० हजार भारु निर्धारण गरिएको छ ।

सो नयाँ भेरियन्टमा महिन्द्राले रियर एक्सलमा माउन्ट गरिएको सिंगल मोटर दिएको छ । यसले २८२ बिएचपी पावर र ३८० एनएम टर्क जेनेरेट गर्दछ । १७५ किलोवाटको चार्जरले २० मिनेटमै २० देखी ८० प्रतिशतसम्म चार्ज गर्न सकिने यस भेरिएन्टले सिंगल चार्जमा ५०० किलोमिटर रेन्ज दिने दाबी गरिएको छ ।

प्याक टु भेरियन्टमा १६ स्पीकर हर्मन कार्डन साउन्ड सिस्टम डल्बी एटमस, फुल ग्लान रुफ र लेभल २ एडास लागयत फिचर दिइएको छ ।

एक्सईभी ९ईको यस नयाँ भेरिएन्टमा ट्रिपल–स्क्रिन लेआउट पाउन सकिन्छ भने बीई ६ मा डिजिटल ककपिट राखिएको छ । प्याक थ्री भेरियन्टको उही सेज लेदरेट इन्टेरियर अब बीई ६ प्याक टुमा समेत उपलब्ध हुनेछ ।

यी दुबै ईभीको प्याक टु ७९ किलोवाट भेरियन्टको डेलिभरी यसै महिनाको अन्त्यदेखी सुरु हुने जनाइएको छ । महिन्द्राका यी दूई ईभी नेपाली बजारमा समेत लन्च हुने प्रतिक्षामा छन् ।