नाडा अटो शो २०२५ को स्टल बाँडफाँड सम्पन्न, टाइटल स्पोन्सरमा एमएडब्लु ग्रुप

काठमाडौं–आगामी भदौ ३ देखी ८ गतेसम्म आयोजना हुने नाडा अटो शोको स्टल बाँडफाँड कार्यक्रम सम्पन्न भएको छ । बिहिबार नाडा अटोमोबाइल्स एसोसिएसन अफ नेपालले अटो शो २०२५ का लागि स्टल बाँडफाँड कार्यक्रम सम्पन्न गरेको हो । अटो शोलाई यसपटक एमएडब्लु ग्रुप अफ कम्पनिजले टाइटल स्पोन्सर गर्ने भएको छ ।

नेपालकै सबैभन्दा ठूलो अटोमोबाइल प्रदर्शनीमा चार पाङ्ग्रे सवारी साधनका १८ वटा स्टल रहनेछन् भने ४ वटा दुई पाङ्ग्रे र लाइट कमर्सियल भेइकलका १३ वटा स्टल रहनेछन् । यसैगरी, अटो कम्पोनेन्टका ४० वटा स्टल रहने नाडाले जनाएको छ ।

नाडा अटो शोमा यसपटक चार पाङ्ग्रेमा दिपाल, अवतार, डोङफेङ, नामी, सेरेस, सुजुकी, टेस्ला, एवोन, एक्सपेङ, रिडारा, स्काईवेल, बीवाईडी, फोटोन, विएडब्लु ब्रम्वी, जेवाई एयर, विलाभल, एलएस अटो र जिनपेङका स्टल रहनेछन् ।

यसैगरी, दुई पाङ्ग्रेमा हिरो, रोयल इनफिल्ड, जोनसेन र यामाहा तथा लाईट कमर्सियलतर्फ न्यू गोनाउ, डिएफएसके, डोङफेङ, कामा, फोटोन, सोकोन, सिजी केवाईसी/किङलङ, मोन्त्र, स्काईवर्थ, काईन्यू, कावे/नभेको र सनलङ ब्रान्डको उपस्थिती रहनेछ ।

कम्पोनेन्टतर्फ, एसियन, गल्फ, डकहाम्स, एटिएस एल्गि, मिशेलिन, एसटिसी राइड/इनर्जी, सिएट, जेके, मानाटेक, टाटा ग्रिन, टोटल इनर्जिज, म्याक र पिएलओ लगायत ब्रान्डले स्टल बुक गराएका छन् ।

अटो शोमा मेड इन नेपाल पेभिलियन, भिन्टेज कार पेभिलियन, अटो डायलग र क्याफेका लागि छुट्टै व्यवस्था गरिएको छ ।