७.७ डिल्स लाइक नेभर बिफोर स्किम, गाडी साट्दा थाइल्यान्ड भ्रमण देखि आइफोन १६ सम्मको अफर

काठमाडौं – टाटा मोटर्सको नेपालका लागि आधिकारिक वितरक सिप्रदी ट्रेडिङ प्रालिले डिल्स लाइक नेभर बिफोर विशेष कार्यक्रम ल्याएको छ ।

असार १९ देखि सुरु भई २३ गते अर्थात जुलाई ३ देखि ७ सम्म चल्ने सो कार्यक्रम अन्तर्गत जुनसुकै ब्रान्डका पुराना गाडी साटेर टाटा ब्रान्डका प्यासेन्जर श्रेणी अन्तर्गत नयाँ टियागो.ईभी, पन्च.ईभी, नेक्सन के ३.ईभी र कर्भ.ईभी एक्सचेन्ज तथा खरिद गर्न सकिने छ ।

‘७.७ डिल्स लाइक नेभर बिफोर’ कार्यक्रम अन्तर्गत ग्राहकहरुलाई लक्षितगर्दै हरेक टाटा गाडीको खरिदमा जोडीका लागि थाइल्यान्ड भ्रमण उपलब्ध हुनेछ । यसका साथै ग्राहकले एक वर्षको अटोप्लस बीमा, दुई आर्थिक वर्षसम्मको सवारी कर (एभीटी), एसेसरिज, वारेन्टी अवधिभर चार्जिङ सेवा, चार्जिङ बक्ससहित जडान र इम्बोस्ड नम्बर प्लेट जस्ता सुविधा निःशुल्क रुपमा प्राप्त गर्न सक्नेछन् ।

सो अवसरमा ग्राहकहरुले नेपालभर रहेका टाटा मोटर्सको शोरुममा गई नयाँ तथा अत्याधुनिक डिजाइनका गाडीहरु अवलोकन तथा हरेक टेस्ट ड्राइभ, बुकिङ र गाडी मूल्यांकन गर्दा ग्राहकहरूलाई आकर्षक उपहारहरू प्रदान गरिनेछ । एक जना भाग्यशाली विजेताले बम्पर पुरस्कार स्वरूप आइफोन १६ जित्ने अवसर समेत पाउनेछन् ।

पाँच दिन सम्म सीमित यस कार्यक्रमको अवधिमा टाटा मोटर्सको देशभर रहेका आधिकारिक शोरूमहरूमा कार्यक्रम संचालनमा हुनेछ ।

सिप्रदी ट्रेडिङले विद्युतीय यात्रालाई सहज, सुरक्षित र लाभदायक बनाउने प्रतिबद्धताका साथ ‘७.७ डिल्स लाइक नेभर बिफोर’ लाई उपभोक्तामैत्री र मूल्यवर्धित अवसरका रूपमा प्रस्तुत गरेको बताएको छ ।