महिन्द्रा थार रोक्स ४–च्यानल डल्बी एटमस अडियोको साथ आउने

महिन्द्राले थार रोक्सको साउन्ड सिस्टम अपग्रेड गरेको छ । एसयूभी अब ४–च्यानल डल्बी एटमस अडियो सिस्टम साथ आउने र यो प्रविधि प्रदान गर्ने विश्वको पहिलो एसयूभी बन्ने जनाइएको छ ।

महिन्द्राले थार रोक्सको टप स्पेक भेरिएन्ट एएक्स७ एलमा इमर्सिभ अडियो अनुभव प्रदान गर्न डल्बी ल्याबोरेटरीजसँग सहकार्य गरेको हो । डल्बी एटमसले उचाइ च्यानलहरू समावेश गरेर त्रि–आयामिक ध्वनि उत्पन्न गर्दछ, जसले समग्र साउन्ड सिस्टमलाई थप प्रभावकारी बनाउँदछ।

थार रोक्समा ९–स्पीकर हर्मन कार्डन ध्वनि प्रणाली र १०.२–इन्च टचस्क्रिन इन्फोटेनमेन्ट सिस्टम उपलब्ध गराइएको छ । यसले गाना स्ट्रिमिङ सर्भिसलाई समेत सपोर्ट गर्दछ । महिन्द्राले आफ्नो बिद्युतिय एसयुभी बीई६ र एक्सईभी ९ई मा समेत डल्बी एटमस उपलब्ध गराएको छ ।

महिन्द्रा थार रोक्स भारतिय बजारमा निकै नै रुचाइएको अफरोड एसयुभी हो । यसको मूल्य १३ लाखदेखी २३ लाख भारुसम्म पर्छ ।