७ सिटर इलेक्ट्रिक एसयूभी ल्याउँदै हुन्डाई, परीक्षणको क्रममा देखियो

हुन्डाईले आफ्नो इलेक्ट्रिक सेगमेन्ट पोर्टफोलियो विस्तार गर्ने प्रयास गरिरहेको छ। यद्यपि कम्पनीले यसबारे कुनै आधिकारिक जानकारी दिएको छैन तर विभिन्न रिपोर्टका अनुसार हाल यसको परीक्षण भइरहेको छ।

हालै परीक्षणको क्रममा देखिएको हुन्डाईको नयाँ इलेक्ट्रिक एसयूभीको अगाडि चार्जिङ पोर्ट रहेको छ। आकार हेर्दा, यो थ्री रोमा सात सिटर विकल्पमा आउन सक्ने अनुमान गरिएको छ।

हाल हुन्डाईले सात सिट क्षमतासहित अल्काजारको आईसीई संस्करण बजारमा उपलब्ध गराइरहेको छ। यस्तो अवस्थामा, कम्पनीले निकट भविष्यमा सो एसयूभीको इलेक्ट्रिक संस्करण प्रस्तुत गर्ने सम्भावना उच्च छ।

हुन्डाईले अल्काजार एसयूभीको इलेक्ट्रिक संस्करणमा दुई ब्याट्री विकल्प प्रदान गर्न सक्छ, जसमा ४२ किलोवाट र ५१.४ किलोवाट क्षमता समावेश हुन सक्छ। साथै, यसको ड्राइभिङ रेन्ज लगभग ५०० किलोमिटरसम्म हुनसक्ने अनुमान गरिएको छ।

कम्पनीले यसबारे कुनै औपचारिक जानकारी नदिए पनि, मिडिया रिपोर्टका अनुसार सो नयाँ इलेक्ट्रिक एसयूभी भारतीय बजारमा यही वर्षको अन्त्यसम्म वा अर्को वर्षसम्म लन्च हुनसक्छ। नेपाली बजारमा पनि त्यसै अनुसार आउन सक्ने अनुमान सम्म गर्न सकिन्छ ।