लिप मोटर टी०३ को डेलिभरी भोलीबाट सुरु हुँदै

काठमाडौं– लिप मोटरले हालै नेपाल ल्याएको नयाँ ह्याचब्याक कार टी०३ भोलिदेखी ग्राहकले पाउने भएका छन् । नेपालका लागि आधिकारिक बिक्रेता साङ्ग्रिला मोटर्सले सो नयाँ ईभीलाई भोलीदेखी औपचारिक रूपमा हस्तान्तरण गर्ने बताएको हो ।

अत्यधिक मात्रामा बुकिङ प्राप्त गरेसंगै लिपमोटर टी०३ मुलुकको विद्युतीय गतिशीलताको भविष्यलाई अघि बढाउँदै नेपाली सडकमा गुड्न तयार रहेको कम्पनीको भनाई छ । स्मार्ट प्रविधि, प्रभावशाली रेन्ज, र उचित मूल्यका साथ, टी०३ ले शहरी इभी ड्राइभिङलाई नयाँ परिभाषा दिने विश्वास कम्पनीले लिएको छ ।

२८ लाख ९९ हजारदेखी सुरू हुने लिपमोटर टी०३ मा ३७.३ किलोवाट आवरको ब्याट्री प्याक रहेको छ । डब्लुएलटिएले दाबी गरेअनुसार यस ईभीको रेन्ज ३९५ किमी रहेको छ । यसमा लेभल २ एडभान्स्ड लीप पाईलट ड्राइभर एक्टिभ सेफ्टि असिस्टेन्स प्रणाली पनि समावेश गरिएको छ, जसले स्मार्ट र सुरक्षित ड्राइभिङ अनुभव प्रदान गर्दछ ।

‘पहिलो चरणको डेलिभरी सुरु भइसकेको छ, र हामी हाम्रा ग्राहकहरूलाई लिपमोटर टी०३ प्रदान गर्न उत्साहित छौ ं। यो इभी कम्प्याक्ट आधुनिक फिचरले भरिएको छ’ साङ्ग्रिला मोटर्सका प्रबन्ध निर्देशक हेमन्त गोल्छाले भने ।