अटोमोबाइल, दिगो सडक तथा सुरक्षित यातायातको लागि विभिन्न मन्त्रालयमा सुझावपत्र पेश

काठमाडौं – नेपाल अटोमोबाइल्स एसोसिएसन (नासा नेपाल) ले आगामी आर्थिक वर्षको नीति, कार्यक्रम तथा बजेट निर्माणको क्रममा विभिन्न बुँदाहरू समावेश गर्न सरकारसमक्ष अनुरोध गरेको छ ।

विभिन्न २२ बुदे सुझाव कार्यान्यन गर्न विभिन्न मान्त्रालय तथा निकायको बिचमा आवश्यक समन्वय गरिदिन समेत भौतिक पूर्वाधार तथा यातायात र अन्य मन्त्रीहरु समक्ष नासा नेपालले अनुरोध गरेको छ ।

नासा नेपालका अध्यक्ष दशरथ रिसाल र एफआईए वर्ल्ड काउन्सिल मेम्बर फर अटोमोबाइल, मोबिलिटी एन्ड टुरिजम गोविन्द भट्टराई लगायतको उपस्थितिमा सो अनुरोध गरिएको हो ।

नेपालको अटोमोबाइल क्षेत्रमा आधुनिक पद्धतिलाई स्थापित गर्न, यातायात प्रणालीमा सुधार गर्न, सडक सुरक्षालाई उच्च प्राथमिकता दिन र सुरक्षित तथा दिगो यातायातको प्रवर्धन गर्न यसले महत्वपूर्ण अर्थ राख्ने अपेक्षा गरिएको छ । दिगो विकास, उत्पादकत्व वृद्धि, र पर्यटनमार्फत समृद्धिका लागि आधुनिक र व्यवस्थित अटोमोबाइल र मोबिलिटीको क्षेत्रमा ती सुझावलाई गम्भीरताका साथ आत्मसात गरी आगामी आर्थिक वर्षको नीति, कार्यक्रम तथा बजेटमा समावेश गरिदिन अनु्रोध समेत गरेको नासा नेपालले जनाएको छ ।