जेरो इन्जिनियरिङको च्यारीटी राईड–२०२५ सम्पन्न

काठमाडौं– जेरो इन्जिनियरिङ मोटरसाइकल प्रालिद्वारा आयोजित ३ दिने च्यारिटी राइड–२०२५ सम्पन्न भएको छ । फागुन १४ देखी १६ गतेसम्म आयोजना भएको उक्त -याली काठमाडौं–धुलिखेल–सिन्धुली–जनकपुर हुँदै पुनः काठमाडौं फर्किएर सम्पन्न भएको हो ।

काठमाडौको सुकेधाराबाट सुरु भएको सो राईडलाई काठमाडौँ क्षेत्र नं ५ का सांसद तथा स्वास्थ्य मन्त्रि प्रदीप पौडेल, रोयल इन्फिल्ड नेपालका निर्देशक मेघराज पौडेल र जेरो इन्जिननियरिङका संचालक बिक्रम भट्टराईले संयुक्त रुपमा फ्ल्याग अफ गरी उद्घाटन गरेका थिए ।

राइडको पहिलो दिन काठमाडौँ देखि बनेपा, धुलिखेल हुँदै सिन्धुली–बर्दिबास सडक पार गरी बेलुकी जनकपुरमा बसेको जेरो इन्जिनियरिङ प्रालिका संचालक विक्रम भट्टराईले जानकारी दिए ।

दोस्रो दिन जनपुरधाम–८ धनुषामा रहेको श्री याज्ञवल्क्य संस्कृत माध्यमिक बिद्यालयलाई शैक्षिक सामाग्री सहित २ लाख रुपैयाँ बरावरको विभिन्न सामान हस्तान्तरण गरिएको भट्टराइले बताए ।

उक्त च्यारीटी राईडमा ८० वटा बुलेट बाइक समावेश भएका थिए । सो राईडको उद्देश्य आन्तरिक पर्यटन पर्बद्धन र भाइचाराको सम्बन्ध बिस्तार गर्नु रहेको जनाइएको छ ।

सो च्यारीटी राइडमा रोयल इन्फिल्ड मोटरसाइकलको आधिकारिक बिक्रेता अल्फा अटोमोटिभ प्रालि, मेसिलिन टायर बिक्रेता सिप्रदी अटो पार्ट्स, लायन्स क्लव अफ काठमाडौं ग्लोबल यूथ र डोरी मुभी लगायत विभिन्न व्यक्ति तथा संघसंस्थाको सहयोग रहेको थियो ।