अटो मेकानिक्स व्यवसायी संघको पाँचौ वार्षिक साधारण सभा तथा बनभोज कार्यक्रम सम्पन्न

काठमाडौं – ललितपुरमा क्रियाशील बाइक मेकानिक्स तथा व्यवसायीहरुको संगठन नेपाल अटो मेकानिक्स व्यवसायी संघको पाँचौ वार्षिक साधारण सभा तथा बनभोज कार्यक्रम सम्पन्न भएको छ । शनिबार ललितपुरको बागमती गाउँपालिकास्थित तीनपाने, राडारमा सो कार्यक्रम सम्पन्न भएको हो ।

संघका अध्यक्ष रुद्र बहादुर खड्काको सभापतित्वमा भएको कार्यक्रममा विभिन्न बाइक कम्पनी र यससँग सम्बन्धित लुब्रिकेन्ट तथा पार्ट्स व्यवसायीहरुको समेत संलग्नता रहेको थियो । सो अवसरमा कम्पनीका प्रतिनिधिहरुले आफ्ना उत्पादनको स्टल समेत राखेका थिए । सो अवसरमा विभिन्न मनोरञ्जनात्मक कार्यक्रमको समेत आयोजना गरिएको थियो ।

२०७९ बैशाखमा सम्पन्न साधारण सभामार्फत रुद्र बहादुर खड्काको अध्यक्षतामा बनेको कार्यसमितिमा हाल उपाध्यक्ष राज बिक र भक्त माझी, सचिव कुमार बजगाई, उपसचिव रोहित खड्का, कोषाध्यक्ष अमर पोदार र सहकोषाध्यक्ष किसन श्रेष्ठ छन् ।

त्यसैगरी सदस्यहरुमा सञ्जय थापा, पदम बखाती, राजन देसार, नवीन मगर, मिताई कुमार दास र मिथलेस श्रेष्ठ छन् ।

अब सो कार्यसमितिमा केही परिमार्जन गरिने तयारी भएको निवर्तमान अध्यक्ष राजकुमार बिकेले बताए ।