बुटवलमा दिपलको स्टेट–अफ–आर्ट सोरुम, टेस्ट ड्राइभ एन्ड एक्सचेन्ज क्याम्प सुरु

काठमाडौं–चांगान तथा दिपल ईभीको नेपालका लागि आधिकारिक विक्रेता एमएडब्लु वृद्धि अटोकर्पले आजदेखी बुटवलस्थित कालिकानगरमा दिपलको नयाँ सोरुम संचालनमा ल्याएको छ । एमएडब्लु वृद्धिले जेनस मोटर्समार्फत लुम्बिनी प्रदेशका ग्राहकलाई इन्टेलिजेन्ट र फ्युचरिस्टिक दिपल इभीको फस्ट–ह्यान्ड एक्सपिरियन्स दिलाउन नयाँ सोरुम सुरु गरेको हो ।

नयाँ सोरुमको उद्घाटन बुटवल उपमहानगरपालिका प्रमुख खेलराज पाण्डे, बुटवल उद्योग वाणिज्य संघका अध्यक्ष हरि अर्याल, भैरहवा उद्योग वाणिज्य संघका अध्यक्ष ठाकुर श्रेष्ठ र जेनस मोटर्सका प्रबन्ध निर्देशक क्षेत्रकुमार श्रेष्ठले संयुक्त रुपमा गरे । यसै अवसरमा संसारकै पहिलो ट्रान्सफर्मर एसयुभी दिपल ई०७ को विक्री पनि सुरु गरिएको छ ।

बुटवलमा नयाँ सोरुम खुलेको अवसर पारेर एमएडब्लु वृद्धिले भैरहवास्थित मौर्य होटलबाट बिहीबारबाट तीन दिनका लागि ‘टेस्ट ड्राइभ द फ्युचर’ नाम दिइएको टेस्ट ड्राइभ तथा एक्सचेन्ज क्याम्प पनि सुरु गरेको छ । यस अवधिमा लुम्बिनी प्रदेशका इभी प्रेमीले दिपलका फ्युचरिस्टिक र इन्टेलिजेन्ट ईभीहरु दिपल ई०७, दिपल एस०७ र दिपल एल०७ को टेस्ट ड्राइभ गर्न सक्ने जनाइएको छ ।

टेस्ट ड्राइभ क्याम्पमा ग्राहकले निशूल्क डाइमण्ड कोटिङ, निशूल्क ७ किलोवाट चार्जर र एसेसोरिज, आकर्षक क्यास डिस्काउन्ट तथा टप रिकन्डिसन हाउसबाट पुरानो गाडीको उत्कृष्ट मूल्यांकनको साथै एक्सचेन्ज बोनस पनि पाउने कम्पनी भनाई छ । साथै, दिपलका ईभी टेस्ट ड्राइभ गर्नेे सबैले उपहार समेत पाउनेछन् ।

दिपलमा वेलकम सिट, सनफ्लावर टचस्क्रिन, अग्मेन्टेड रियालिटी हेड–अप–डिस्प्ले, जेस्चर कन्ट्रोल, हेडरेड र आउटडोर स्पिकर लगायत १५ भन्दा बढी फस्र्ट टाइम फिचरहरु राखिएका छन् । जसका कारण यो इभी नेपाली बजारमा सात सय भन्दा बढी विक्री भइसकेको दाबी गरिएको छ ।