रोहित पौडेल बने लीपमोटर नेपाल र सिट्रोन नेपालको ब्रान्ड एम्बेसडर

काठमाडौं - नेपालमा लीपमोटर, सिट्रोन र प्यूजोकाे आधिकारिक वितरक, साङ्ग्रिला मोटर्स् प्रालिले नेपाली क्रिकेट टोलीका कप्तान रोहित पौडेललाई लीपमोटर र सिट्रोनका आधिकारिक ब्रान्ड एम्बेसडरको रूपमा अनुबन्ध गरेको छ। यो साझेदारी ३ वर्षको अवधिको लागि भएको र यसले लीपमोटर र सिट्रोनको लागि नेपालका अटोमोटिभ बजारमा नयाँ अध्यायको शुरुआत गर्न लागेको जानकारी दिएको छ।

प्रतिष्ठित गोल्छा अर्गनाइजेसनको सदस्यको रुपमा साङ्ग्रिला मोटर्सले नवप्रवर्तनशील र दिगो सवारीमा सबैको पहुँच पुर्‍याउने लक्ष्य लिएको छ। रोहित पौडेलसँगको यो सहकार्यले नेतृत्व, उत्कृष्टता र प्रतिबद्धताको साझा अवधारणालाई प्रतिविम्बित गर्दछ। जसरी पौडेलले आफ्नो टोलीलाई मैदानमा कुशल नेतृत्व दिन्छन् त्यसरी नै लीपमोटर र सिट्रोनले नेपालका अटोमोटिभ बजारमा उन्नत प्रविधि र विश्वस्तरीय प्रदर्शनका साथ अग्रणी बन्ने लक्ष्य लिएको कम्पनीकाे भनाइ छ।

यस साझेदारीले साङ्ग्रिला मोटर्सको दिगो, प्रगति र सफलता मूल्याङ्कन गर्ने नेपाली ग्राहकहरूलाई प्रेरित गर्नेछ र कम्पनीको प्रतिबद्धतालाई थप सुदृढ बनाउनेछ।

साङ्ग्रिला मोटर्स प्रतिष्ठित गोल्छा अर्गनाइजेसनको सदस्य हो जसले गुणस्तरीय अटोमोबाइल उत्पादन र सेवाहरू प्रदान गर्ने आफ्नो प्रतिबद्धता अनुरुप काम गर्ने कम्पनीको रुपमा परिचित छ। नेपालमा लीपमोटर र सिट्रोनका आधिकारिक विक्रेता साङ्ग्रिला मोटर्सले नवीनतम प्रविधियुक्त र दिगो विकासलाई प्राथमिकता दिने सवारी साधनहरूलाई प्राथमिकतामा राख्ने गर्छ, जसले कम्पनीको दुरदर्शी सोच र गतिशील योजनालाई परिभाषित गरेको बताएकाे छ।