लेभ्निङ इलेक्ट्रिक स्कुटरको भिडियो बनाएर ट्याग गर्दा स्कुटर पाइने

काठमाडौं – कुनै पनि ग्राहकले अब लेभ्निङ इलेक्ट्रिक स्कुटरको भिडियो बनाएर ईभी नेपाल मोटर्सको इन्स्टाग्राम, फेसबुक, टिकटक पेजमा ट्याग गर्दा लेभ्निङ इलेक्ट्रिक स्कुटर पाउन सक्ने भएका छन् ।

नेपालका लागि लेभ्निङ इलेक्ट्रिक स्कुटरको आधिकारिक वितरक बज्र ग्रुप अन्तर्गतको ईभी नेपाल मोटर्सले सो अफर ल्याएको हो । यसरी भिडियो बनाएर ट्याग गर्ने ग्राहक मध्ये उत्कृष्ट भिडियो बनाउने ग्राहकले सो अवसर पाउने छन् ।

फेब्रुअरी १४ मा मनाइने भ्यालेन्टाइन डेको अवसरमा कम्पनीले सो अफर ल्याएको हो । ग्राहकले सो वारेमा आवश्यक जानकारीको लिंक ९८०२३०८५१२ वा ९८०१००२८२१ मा पठाउन पनि सक्ने छन् ।

कलेजको विद्यार्थी देखि कार्यालयमा कार्यरत कर्मचारी तथा कृषक देखि अपांग सम्म सबैका लागि उपयुक्त इलेक्ट्रिक स्कुटर उपलब्ध गराइरहेको ईभी नेपाल मोटर्सले हाल १२ फरक मोडलका स्कुटर बिक्री-वितरण गरिरहेको छ । यी स्कुटरको मूल्य २ लाख ४५ हजार रुपैयाँ देखि प्रारम्भ हुन्छ ।

स्कुटरमा २ वर्षको वारेन्टीका साथै शून्य प्रतिशत ब्याजदरमा ८० प्रतिशत सम्मको फाइनान्स सुविधा उपलब्ध हुन्छ । यसका साथै एक्सचेन्ज र फाइनान्सको समेत सुविधा उपलब्ध छ ।

ईभी नेपाल मोटर्सले नक्साल, भैसेपाटी, गाबहाल, पेप्सीकोला, बनेपा, चितवन, विर्तामोड, जनकपुर लगायतका मुख्य सहरबाट लेभ्निङ इलेक्ट्रिक स्कुटर बिक्री–वितरण गरिरहेको कम्पनीका एजीएम एनके शरदले जानकारी दिए ।

बज्र ग्रुपले विगत ३३ वर्ष देखि विभिन्न बहुराष्ट्रिय कम्पनीका सामग्री समेत बिक्री–वितरण गरिरहेको छ भने वुलिङ ईभी समेत हाल बिक्री गर्दै आएको छ ।