स्मार्ट कारमा हुने एडास, कनेक्टेड कार टेक्नोलोजी र अटोमेटिक ड्राइभिङ के हो ? जान्नुहोस्

आजकल नयाँ कारमा ड्राइभिङको लागि सुरक्षित, सजिलो र आरामदायी बनाउन स्मार्ट प्रविधिले सुसज्जित हुने गरेको छ । विशेष गरी एडास, कनेक्टेड कार टेक्नोलोजी र अटोमेटिक ड्राइभिङ जस्ता सुविधाले कार ड्राइभिङमा अझ सहज बनाएको छ ।

एडास

एडास एउटा यस्तो प्रविधि हो जसले चालकलाई सहयोग गर्छ र सडकमा हुने दुर्घटना कम गर्न मद्दत गर्छ। यसमा धेरै सेफ्टी फिचर समावेश हुन्छ ।

लेन डिपार्चर वार्निङ : यदि कार गल्तिले आफ्नो लेनबाट बाहिर निस्कन थाल्यो भने सिस्टमले चालकलाई सचेत गराउँछ।

लेन किप असिस्ट : कार आफैले स्वचालित रूपमा स्टेयरिङ नियन्त्रण गर्छ र लेनमा रहन मद्दत गर्छ।

एडप्टिभ क्रुज कन्टोल : यो सिस्टमले अगाडिको गाडी अनुसार कारको गति एडजस्ट गर्छ।

अटोमेटिक इमर्जेन्सी ब्रेकिङ: यदि कारको अगाडि अचानक कोही आएमा कारले अटोमेटिक ब्रेक लगाउन सक्छ।

ब्लाइन्ड स्पट डिटेक्शन: साइड मिररमा नदेखिने सवारी साधन पत्ता लगाउँछ र चालकलाई सचेत गराउँछ।

भारतमा महिन्द्रा एक्सयूभी७००, एमजी एस्टर, टाटा ह्यारियर र सफारी जस्ता एसयूभीमा एडास फिचर उपलब्ध छ।

कनेक्टेड कार टेक्नोलोजी

कारमा पनि स्मार्टफोनमा जस्तै इन्टरनेट जोडिन थालेको छ । कनेक्टेड कार टेक्नोलोजीको सहयोगबाट मोबाइलबाटै कार नियन्त्रण गर्न सकिन्छ ।

रिमोट कन्ट्रोल: मोबाइल एप मार्फत कार लक/अनलक गर्न र एसी अन गर्न सकिन्छ ।

नेभिगेसन: प्रत्यक्ष ट्राफिक अपडेट सहित रुट म्यापिङ ।

कारको अवस्थाको जानकारी: ब्याट्री, टायरको चाप, इन्धन स्तर जस्ता जानकारी एपमा उपलब्ध हुन्छ।

एन्टि थेफ्ट अलर्ट: चोरी भएमा तुरुन्त सूचना प्राप्त गर्न सकिन्छ ।

भ्वाइस कमान्ड: कारलाई एलेक्सा र गुगल सहायक प्रयोग गरेर नियन्त्रण गर्न सकिन्छ।

अटोमेटिक ड्राइभिङ

अटोमेटिक ड्राइभिङ कारमा ड्राइभर बिना कार आफै चलाउन सक्षम हुन्छ ।

लेभल १: क्रूज कन्ट्रवल, लेन असिस्ट जस्ता आधारभूत सुविधाले सुसम्पन्न हुन्छ ।

लेभल २: एडास जस्ता फिचर समावेश हुन्छ ।  

लेभल ३: कार निश्चित परिस्थितिमा आफै चल्छ।

लेभल ४-५: पूर्ण रूपमा अटोमेटिक कारहरू