ओमोडाको नयाँ शोरुम बसुन्धरामा, घिसिङले भने – विद्युतीय गाडी हरेक क्षेत्रका लागि फाइदाजनक छ

काठमाडौं - नेपाल विद्युत प्राधिकरणका कार्यकारी निर्देशक कुलमान घिसिङले नेपालको अर्थतन्त्रको लागि विद्युतीय गाडीको भूमिका महत्वपूर्ण रहेको बताएका छन् ।

शनिबार एबीटी मोटर्स ओमोडाको शोरूम उद्घाटन कार्यक्रममा बोल्दै निर्देशक घिसिङले विद्युतीय गाडी हरेक क्षेत्रका लागि फाइदाजनक रहेको बताएका हुन् । उनले भने, ‘विद्युतीय समानहरुको जुन प्रवद्धन भइरहेको छ । यसमा मलाई अत्यन्त खुसी लाग्ने गर्दछ । अब विद्युतीय गाडी नै किन भन्दा नेपालको अर्थतन्त्रको लागि महत्वपूर्ण भूमिका छ । जसले विद्युतीय गाडी प्रयोग गर्नुहुन्छ उहाँको फाईदाको लागि पनि सबैभन्दा महत्वपूर्ण छ । अर्थतन्त्रको हिसाबले विद्युतीय गाडी एकदमै फाइदाजनक छ ।’

साथै, उनले पेट्रोल डिजेलको हाहाकार भएको अवस्थामा पनि हामीसँग विद्युतीय गाडी हुँदा पेट्रोल डिजेलको परनिर्भरता घट्ने बताए । उनले हाम्रो जीवनशैली नै ईलेक्ट्रिकल सिस्टममा कन्भर्ट गर्नुपर्ने बताए ।