मकिनोले ल्यायो वान वे क्लच लगायतका विभिन्न मोडल

मकिनो अटोमोटिभले वान वे क्लच लगायतका विभिन्न नयाँ मोडलका क्लच बजारमा उपलब्ध गराउने भएको छ । भारतको नयाँ दिल्लीमा जारी भारत ग्लोबल मोबिलिटी एक्सपो अन्तर्गत कम्पोनेन्ट्स शोमा मकिनोले विभिन्न मोडलका क्लच सार्वजनिक गरेको छ ।

मकिनोले पहिलो पटक वान वे क्लचको विकास गरेको छ । हिरो मोटोकर्पका लागि आवश्यक क्लच निर्माण गर्ने क्रममा यसको विकास गरिएको हो । हिरोका सुपर स्प्लेन्डर लगायतका विभिन्न मोडलका बाइकमा यसको प्रयोग गर्न सकिने मकिनो अटोमोटिभका डिजाइन एन्ड डेभलपमेन्ट म्यानेजर अतुल मण्डलले बताए ।

त्यसैगरी लिभरलेस क्लच समेत मकिनोले विकास गरेको छ । यसको प्रयोग गर्दा क्लच दबाउनु पर्ने आवश्यकता हुँदैन ।

पियाजिओ लगायतका थ्री ह्विलरमा प्रयोग गर्न सकिने क्लच र अन्य विभिन्न नयाँ मोडलका क्लचको विकास मकिनोले गरेको छ ।

यी मध्ये धेरै क्लच हाल परीक्षणको क्रममा रहेका छन् । परीक्षण पश्चात केही महिनामै यी क्लच बिक्रीका लागि उपलब्ध हुनेछन् ।

मकिनो आफ्टर मार्केट स्पेयर पार्ट्स व्यवसायमा अग्रणी नाम हो । मकिनोका स्पेयर पार्ट्स विशेष गरी टु ह्विलर बजारमा लोकप्रिय छन् ।

नेपाली बजारमा समेत मकिनोका स्पेयर पार्ट्स धेरै ग्राहकले प्रयोग गरेको पाइन्छ ।