नेपालको अटोमोबाइल्स क्षेत्रको विकासका लागि नयाँ दिल्लीमा ४ बुँदे सम्झौता

नेपालको अटोमोबाइल्स क्षेत्रको विकासका लागि भारतको नयाँ दिल्लीमा त्रिपक्षिय सम्झौता सम्पन्न भएको छ । नाडा अटोमोबाइल्स एसोसिएसन अफ नेपाल(नाडा), अटोमोटिभ स्किल डेभलपमेन्ट काउन्सिल(एएसडिसी) र अटोमोटिभ कम्पोनेन्ट म्यानुफयाक्चर्स एशोसिएशन(एसिएमए) बिच चार बुंँदे संझौता भएको हो ।

उक्त संझौतामा नाडाका तर्फबाट अध्यक्ष करण चौधरी, एएसडिसीका तर्फबाट प्रमुख कार्यकारी अधिकृत अरिमदम लाहिरी र एसिएमएको तर्फबाट महानिर्देशक भिनी मेहताले हस्ताक्षर गरेका छन ।

संझौताअनुसार, तीन संस्था मिलेर नेपालको अटोमोटिभ म्यानुफ्याक्चरिङ र डिलरशीप क्षेत्रमा सीप विकासलाई बढावा दिन उल्लेख गरिएको छ । साथै, नेपालको अटोमोवाइल क्षेत्रमा संलग्न प्रशिक्षकहरू, मूल््यांकनकर्ताहरू र नाडामा आबद्ध व्यवसायीहरुलाई तालिम सञ्चालन गरिने उल्लेख गरिएको छ ।

सो हस्ताक्षर समारोहमा एसडिसीका तर्फबाट अध्यक्ष एफआर सिङ्गभी, उपाध्यक्ष भिन्केश गुलाटी, प्रोजेक्ट कोओर्डिनेटर नितिशकुमार चौरसिया समेतको उपस्थिति रहेको थियो । त्यसैगरी एसिएमएकातर्फबाट अध्यक्ष श्रद्धासुरी मारवाह, उपाध्यक्षद्धय विक्रमपती सिंघानिया र रितुन्च गुप्ता समेतको उपस्थिति रहेको थियो ।

त्यस्तै नाडाका तर्फबाट निवर्तमान अध्यक्ष धु्रव थापा, बरिष्ठ उपाध्यक्ष आकाश गोल्छा, उपाध्यक्ष राजनबाबु श्रेष्ठ, महासचिव सुरेन्द्रकुमार उपे्रती समेतको उपस्थिति रहेको थियो ।